Litva admianiaje abaviazkovyja dazvoły na ŭjezd u pamiežnuju zonu ź Biełaruśsiu i Rasijaj
Ułady Litvy admianili patrabavańnie atrymlivać śpiecyjalny dazvoł na ŭjezd u pamiežnuju zonu z Kalininhradskaj vobłaściu Rasii i ź Biełaruśsiu, paviedamiła Słužba achovy dziaržaŭnaj miažy pry MUS Litvy.
Litoŭska-biełaruskaja miaža. Fota: Wikimedia Commons
«U suviazi z tym, što źmieniena pravavoje rehulavańnie ŭjezdu ŭ pamiežnuju zonu, dazvoły na znachodžańnie ŭ joj z boku Rasii i Biełarusi skasoŭvajucca», — havorycca ŭ paviedamleńni litoŭskich pamiežnikaŭ.
Paviedamlajecca, što pamiežnaja zona, pra jakuju idzie havorka — heta terytoryja ŭhłyb krainy na piać kiłamietraŭ ad linii dziaržaŭnaj miažy.
U pačatku maja litoŭskaje MUS zajaviła, što ŭ Litvie buduć admianiać režym nadzvyčajnaha stanovišča na miažy Litvy ź Biełaruśsiu i Rasijaj. Jano było ŭviedziena vosieńniu 2021 hoda padčas piku mihranckaha kryzisu, a paśla taho niekalki razoŭ praciahvałasia, apošni raz — 14 sakavika 2023 hoda.
Čytajcie taksama:
Biełaruskija pamiežniki znoŭ parušyli litoŭskuju miažu
Litva paprasiła ŭ Jeŭrasajuza dadatkovyja srodki dla ŭmacavańnia miažy ź Biełaruśsiu
Adnovicca avijazłučeńnie ź Iranam. Ci ryzyknie Łukašenka paŭtaryć ataku mihrantami?
Litva točna tak pieramoža)