«Cyrku ŭsio roŭna, chto ŭ im pracuje» — udzielnik Cirque du Soleil ab pryjeździe Ułada Hančarova
Biełaruski himnast Siamion Bukin u intervju YouTube-kanału «ČiestnOK» raspavioŭ pra svaju reakcyju, što padpisant prarežymnaha lista spartoŭcaŭ Uład Hančaroŭ vystupaje ŭ Cirque du Soleil.
Uład Hančaroŭ. Fota: sajt «Presboła»
— Tvaja reakcyja na toje, što Uładzisłaŭ Hančaroŭ — čałaviek, jaki padpisaŭ list za Łukašenku, jon zaraz u Cirque du Soleil?
— Naohuł nijakaja, bo, viedaješ, ja šmat dumaŭ, što budzie, kali pryjedzie łukašyst u cyrk. Ale viedaješ, cyrku ŭsio roŭna, chto ŭ ich pracuje. Jany nie viedajuć historyi, što adbyvałasia ŭ Biełarusi z hetymi praŭładnymi listami. Dla cyrka heta biznes i nie bolej.
Raniej by ŭ mianie pryharała ad hetaha. Nu jak heta tak: padpisant lista za Łukašenku jedzie pracavać tudy, suprać čaho nakiravana ŭsia ideałohija Łukašenki.
Ja nie apraŭdvaju Ułada, ale ja ŭpeŭnieny, što hety čałaviek nie padpisvaŭ hetaha lista. Za jaho padpisali.
Ja viedaju, što jon z taho typu ludziej, jakija chacieli prosta adsiedziecca. Nu voś zaraz jon i atrymlivaje za heta. Jon nie žorstki łukašyst. Ja ŭpeŭnieny ŭ hetym. Čamuści jon vyrašyŭ, što hety podpis ničoha nie budzie značyć i ŭ budučyni jon nijak nie adabjecca na im. Ale voś zaraz, ja dumaju, heta adabjecca na im dobra, — skazaŭ Bukin.
Pra toje, što alimpijski čempijon Alimpijady ŭ Rya Uład Hančaroŭ budzie vystupać u Cirque du Soleil stała viadoma ŭčora.
Čytajcie taksama:
Alimpijski čempijon Rya Uładzisłaŭ Hančaroŭ: «Biełarusy nie takija nachabnyja, jak ruskija»
