U Hruzii adbylisia sutyčki z-za dački Łaŭrova
Sutyknieńni palicyi ź mitynhoŭcami iduć u rajonie haścinicy Kvareli Lake Resort u Kachietyi na ŭschodzie Hruzii — jak miarkujecca, tut znachodzicca dačka kiraŭnika MZS RF Siarhieja Łaŭrova, jakaja pryjechała na viasielle člena siamji, piša Newsgeorgia.ge.
Fota: Newsgeorgia.ge
Na miescy mabilizavanyja supracoŭniki palicyi i śpiecnaz, ściahvajucca dadatkovyja siły.
MUS paćvierdziła zatrymańnie 16 čałaviek. Udzielniki akcyi zajaŭlajuć, što palicyja adbiraje ŭ ich mabilnyja telefony z zapisami taho, jak kartež z haściami z Rasii prajazdžaje na terytoryju hatela.
Udzielniki pratestaŭ patrabujuć ad hramadzian Rasii nieadkładna pakinuć terytoryju hatela.
Pa paviedamleńniach ŚMI, siońnia ŭ kompleksie Kvareli Lake Resort budzie adznačacca viasielle brata muža Kaciaryny Vinakuravaj (Łaŭrovaj). Brat rasijskaha pradprymalnika Alaksandra Vinakurava, jaki prychodzicca kiraŭniku MZS RF ziaciem, raniej raśpisaŭsia sa svajoj vybrańnicaj u Tbilisi.
Haścinica spačatku admaŭlała, što ŭ ich haściujuć členy siamji ministra zamiežnych spraŭ Rasii, ale zatym pierastała adkazvać na pytańni žurnalistaŭ.
Heta nie pieršy vypadak, kali z Hruzii prahaniajuć viadomych pierson z Rasii. Dva hady tamu žurnalist Uładzimir Poźnier, jaki prylacieŭ adznačyć dzień naradžeńnia, byŭ vymušany pakinuć Tbilisi na fonie akcyj pratestu.
Čytajcie taksama:
Padsankcyjnaja dačka Łaŭrova pryjechała ŭ Hruziju, kab pahulać na viasielli — ŚMI
