Sistema supraćpavietranaj abarony Patriot była minimalna paškodžanaja ŭ vyniku rasijskaha rakietnaha ŭdaru
Pra pamier paškodžańnia Patriot paviedamlaje CNN sa spasyłkaj na troch amierykanskich słužboŭcaŭ. Adzin z surazmoŭcaŭ zajaviŭ ab «niaznačnaj» škodzie.
Zienitna-rakietny kompleks Patriot. Fota: AP
CNN udakładniaje, što zastajecca niezrazumiełym, jakaja častka Patriot była paškodžana i ci adbyłosia heta ŭ vyniku papadańnia rakiety abo abłomkaŭ.
16 maja ZŠA nakiravali inśpiektaraŭ dla pravierki sistemy.
Pa słovach krynic, sama sistema Patriot praciahvaje funkcyjanavać, niepaškodžanym zastaŭsia radar — adzin z najbolš važnych jaje elemientaŭ. Surazmoŭcy CNN ličać, što Patriot nie treba budzie advozić na ramont.
Čytajcie taksama:
ZRK Patriot niemahčyma źniščyć adnym udaram, navat «Kinžałam» — USU
Padčas načnoha abstrełu Kijeva kompleks Patriot sapraŭdy paškodžany — zachodnija ŚMI
Minabarony Rasii zajaviła, što Patriot nie moh źbić rakietu «Kinžał» nad Kijevam
