«Uklučeńnie Biełarusi ŭ jeŭrapiejskuju siamju pavinna stać stratehičnym pryjarytetam dla Rady Jeŭropy» — Andžej Duda
Prezident Polščy Andžej Duda zajaviŭ, što «ŭklučeńnie svabodnaj Biełarusi ŭ jeŭrapiejskuju siamju pavinna stać stratehičnym pryjarytetam dla Rady Jeŭropy». Heta prahučała padčas debataŭ United for Europe ŭ ramkach 4-ha samitu kiraŭnikoŭ dziaržaŭ i ŭradaŭ Rady Jeŭropy ŭ Rejkjaviku.
Polski lidar padkreśliŭ, što nieabchodna zachoŭvać salidarnaść z Ukrainaj stolki, kolki spatrebicca, a taksama zajaviŭ, što Rada Jeŭropy pavinna padtrymlivać krainy Zachodnich Bałkan, Ukrainu, Hruziju i Małdovu na ich šlachu ŭ ES.
Taksama, pavodle słoŭ Andžeja Dudy, nieabchodna ŭzmacnić cisk na režym Alaksandra Łukašenki i zmahacca za vyzvaleńnie im usich palitviaźniaŭ, uklučajučy žurnalista Andreja Pačobuta i łaŭreata Nobieleŭskaj premii miru Alesia Bialackaha.
«Niahledziačy na varjackuju vajnu Pucina, my pavinny zmahacca za ŭmacavańnie demakratyi i svabody ŭ sučasnym śviecie. Ja ćviorda vieru, što vajna va Ukrainie skončycca pieramohaj volnaha śvietu. Tady pačniecca novy raździeł u historyi Rady Jeŭropy», — cytuje prezidenta Polščy jahonaja pres-słužba.
Čytajcie taksama:
Premjer-ministr Polščy: My siońnia farmirujem karcinu budučaj Jeŭropy
