Mahiloŭskija habrei zakapali ŭ ziamlu proćmu knih. Ale tolki z pavahi da ich FOTY
U fejsbuk-supołcy Chabad Mogilev apublikavali fota, jakija mohuć niedaśviedčanaha čałavieka šakavać, ale nasamreč, adlustroŭvajuć tolki pavahu da tradycyi. Vykapanuju jamu, padobnuju da mahiły, naładavali knihami i zakapali.
Reč u tym, što jak tłumačycca ŭ kamientaryi da fota, zhodna z habrejskim zakonam, śviatyja pradmiety i śviatyja teksty, jakija pa niejkich pryčynach pierastali być patrebnymi, nielha prosta vykinuć ci źniščyć. Ich treba pakłaści ŭ «hieniza», to-bok «na zachoŭvańnie».
U asnoŭnym ich pryniata zakopvać u jamu, padobnuju da mahiły.
Tak i zrabili siabry mahiloŭskaj habrejskaj hramady:
«Siońnia my raźvitvalisia z mnostvam knih i tekstaŭ, jakija źjaŭlajucca vielmi darahimi dla nas, ale ŭ sinahozie ŭžo nie chapaje miesca dla ich zachoŭvańnia», — prakamientavali toje, što adbyvajecca, u pabliku.
Čytajcie taksama:
Cyvija Lubietkin, jaŭrejskaja hierainia z Bycienia. Da 80-hodździa paŭstańnia ŭ Varšaŭskim hieta