Znajści
Ałharytmičny łacinski varyjant
15.05.2023 / 18:17RusŁacBieł

Fanaty Tejłar Śvift pieratvaryli jaje biezymiennuju knihu ŭ miehapapularny biestsieler. Jak potym vyśvietliłasia, knihu śpiavačka ŭvohule nie pisała

Raskryvajem padrabiaznaści hetaj tajamničaj historyi.

Tejłar Śvift. Fota: Wikimedia Commons

Fanackaja supolnaść viadomaj śpiavački Tejłar Śvift vyjaviła ŭ internecie nibyta jaje ananimnyja miemuary i zrabiła ich biestsieleram. Tolki voś śpiavačka naohuł nie maje da hetaha nijakaha dačynieńnia, pisała 10 maja vydańnie The Guardian.

Tajamničaja kniha pad pracoŭnaj nazvaj «4S Untitled Flatiron Nonfiction Summer 2023» źjaviłasia na sajcie Amazon, i jaje prodažy vielmi chutka ŭźlacieli. Kniha za 45 dalaraŭ trapiła ŭ top-10 knižnaha čarta Amazon, zaniaŭšy druhoje miesca ŭ rejtynhu, a na płatformie Barnes & Noble hety tvor uvohule staŭ pieršym pa kolkaści papiarednich zakazaŭ.

Usio heta adbyłosia dziakujučy amataram Tejłar Śvift, jakija paličyli hetuju knihu jaje ananimnymi miemuarami. Voś jak jany heta vyznačyli.

«Usio pačałosia z taho, što ŭ sacsietkach źjaviŭsia dakumient, jaki nibyta naležyć vydaviectvu Flatiron, dzie śćviardžajecca, što nazva i aŭtar knihi stanuć viadomyja 13 červienia. Taksama paviedamlałasia, što kniha budzie mieć 544 staronki. Zdahadlivyja fanaty adrazu vyrašyli, što heta znak: kali skłaści ličby adnu z adnoj (5+4+4), to atrymajecca 13 — ličba, jakuju Tejłar Śvift ličyć ščaślivaj.

U toj ža čas vychad knihi byŭ pryznačany na 9 lipienia, a heta jakraz supadaje z dataj, zhadanaj u tekście pieśni Last Kiss z alboma Speak Now. Niekatoryja fanaty zhadali, što ŭ anonsie taho alboma Tejłar źviarnułasia da słuchačoŭ jak da «šanoŭnych čytačoŭ», nibyta namiakajučy na knihu», — pryvodzić dumki fanataŭ The Guardian.

Usie hetyja zdahadki imhnienna raspaŭsiudzilisia pa ŭsioj fanackaj supolnaści Tejłar: fanaty dzialilisia teoryjami i zdahadkami nakont knihi, pra jakuju zusim ničoha nie viedali dakładna. U toj ža čas knižnyja kramy abiacali viarnuć hrošy za zamovu, kali vyśvietlicca, što kniha nie napisanaja Śvift. 

Adnak 9 maja aficyjnyja pradstaŭniki śpiavački rašuča abvierhli hetyja čutki, źviarnuŭšy ŭvahu na toj fakt, što Tejłar nijak nie mahła napisać hetuju knihu z-za jaje turne pa ZŠA i pracesu stvareńnia novaha alboma.

I ciapier u fanataŭ źjaviłasia inšaja teoryja: aŭtarami knihi źjaŭlajucca čalcy papularnaha karejskaha kiej-pop hurta BTS, jakija, darečy, nieaficyjna paćvierdzili, što zajmalisia napisańniem knihi padčas słužby ŭ vojsku.

Čytajcie taksama:

Biełaruski hurt, jaki bližej za ŭsich byŭ da «Hremi»

Paŭdniovakarejski dziavočy hurt ustanaviŭ absalutny rekord pa prahladach na Youtube. 30 miljardaŭ!

Januškievič raskazaŭ, jaki raman Kinha jany vydaduć pa-biełarusku i kali

Mark Rychter

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
8
Ха-ха
2
Ого
0
Сумна
0
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930