Mižnarodny paralimpijski kamitet admianiŭ raniejšaje prypynieńnie siabroŭstva ŭ im Biełarusi i Rasii
Apielacyjny trybunał Mižnarodnaha paralimpijskaha kamiteta zadavoliŭ skarhi Paralimpijskich kamitetaŭ Biełarusi i Rasii na svajo adchileńnie, adnak rašeńnie nie prymać zajaŭki na spabornictvy ad biełaruskich i rasijskich spartsmienaŭ pakul zastajecca ŭ sile.
«Siabroŭstva abodvuch nacyjanalnych Paralimpijskich kamitetaŭ u MPK było prypyniena na pazačarhovaj Hienieralnaj asamblei ŭ listapadzie 2022 hoda. Apielacyjny trybunał zadavoliŭ apielacyi NPK Rasii i NPK Biełarusi na prypynieńnie siabroŭstva z techničnych pryčyn. Rašeńnie MPK nie prymać zajaŭki ad spartsmienaŭ z NPK Rasii i NPK Biełarusi na mižnarodnyja paraspabornictvy zastajecca ŭ sile», — havorycca ŭ pres-relizie MPK.
U arhanizacyi dadali, što pytańnie ab prypynieńni členstva nacyjanalnych Paralimpijskich kamitetaŭ Rasii i Biełarusi budzie znoŭ razhledžana Hienieralnaj asamblejaj.
Čytajcie taksama:
U Hiermanii chočuć zabaranić vydavać vizy rasijskim i biełaruskim spartsmienam
Adchileńnie biełaruskich i rasijskich himnastaŭ ad turniraŭ zastajecca ŭ sile
