Apazicyjny kandydat u prezidenty Turcyi zaklikaŭ Rasiju «prybrać ruki ad tureckaj dziaržavy»
Kandydat u prezidenty Turcyi, lidar apazicyi Kiemal Kyłyčdarohłu abvinavaciŭ Rasiju ŭ zmovie i zaklikaŭ «prybrać ruki ad tureckaj dziaržavy». Pra heta jon pa-rusku i pa-turecku napisaŭ u tvitary.
«Darahija ruskija siabry, vy staicie za mantažami, zmovami, kantentam Deep Fake i zapisami, jakija ŭčora byli vykrytyja ŭ hetaj krainie. Kali vy chočacie praciahu našaha siabroŭstva paśla 15 maja, trymajcie ruki padalej ad tureckaj dziaržavy. My pa-raniejšamu vystupajem za supracoŭnictva i siabroŭstva», — napisaŭ palityk.
Zajava Kyłyčdarohłu prahučała paśla taho, jak dziejny kiraŭnik Turcyi Redžep Taip Erdahan na vystupleńni pierad prychilnikami ŭ niadzielu pakazaŭ videa, na jakim vidać, jak lidar kurdskich paŭstancaŭ nibyta zaklikaje hałasavać za Kyłyčdarohłu.
Apytańni, praviedzienyja ŭ Turcyi napiaredadni vybaraŭ, śviedčać pra toje, što šmathadovy lidar hetaj dziaržavy sioleta jak nikoli blizki da paražeńnia.
Čytajcie taksama:
Za try dni da vybaraŭ u Turcyi Erdahan sastupaje hałoŭnamu apanientu — apytańnie
Erdahan zajaviŭ, što ŭ Turcyi znajšli vialikija zapasy vysakajakasnaj nafty