Jašče adzin bank uvodzić vializnuju kamisiju za absłuhoŭvańnie rachunkaŭ u dalarach i jeŭra
BNB-Bank uśled za Pryjorbankam uvodzić štomiesiačnuju płatu za absłuhoŭvańnie rachunkaŭ fizičnych asob, dzie zachoŭvajecca ad 50 tysiač dalaraŭ ci jeŭra. U miesiac za ich zachoŭvańnie daviadziecca płacić 500 rubloŭ, paviedamlaje Office Life.
Śpiecyjalisty patłumačyli, što Nacbank Biełarusi pravodzić doŭhaterminovuju palityku dedalaryzacyi, dakładniej, hety praces tyčycca abiedźviuch samych papularnych u biełarusaŭ valut: jak dalaraŭ ZŠA, tak i jeŭra. U toj ža čas, finansavy rehulatar viadzie sistemnuju pracu pa źnižeńni ŭzroŭniu inflacyi i ŭmacavańni nacyjanalnaj valuty.
Ekśpierty adznačajuć, što staŭki na rublovyja kredyty dla jurydyčnych asob źnižajucca i stanoviacca całkam supastaŭnyja z valutnymi. Pry takich staŭkach pryvabnaść rublovych kredytaŭ vidavočna vyšejšaja praz adsutnaść patencyjnych kursavych ryzyk.
U toj ža čas, fizičnyja asoby ŭ pryncypie biełaruskimi bankami nie kredytujucca ŭ valucie — tolki ŭ biełaruskich rublach.
Jak piša Office Life, sukupnaść apisanych vyšej faktaraŭ pryvodzić da farmavańnia ŭ bankaŭ liškaŭ zamiežnaj valuty, jakija bankam nievyhadnyja: jany niasuć vydatki na pryciahnutuju, ale nie vydadzienuju ŭ vyhladzie kredytaŭ valutu. A tamu finansavyja struktury imknucca stymulavać klijentaŭ mianiać valutu na rubli ci vyvodzić dalary ci jeŭra sa svaich rachunkaŭ u pryncypie.
U apošni čas stanovicca ŭsio bolš vidavočnym trend na raźvićcio finansavych adnosin z azijackimi krainami, što pavialičvaje patrebnaść biełaruskich bankaŭ u azijackich valutach, u pryvatnaści, kitajskich juaniach.
Čytajcie taksama:
A nasielnictva - u tušoncy, palivie, cukru i nabojach dla AK. Bo praz paru hadoŭ takoha "rukavadženija" tolki heta i zastaniecca ŭ jakaści valuty.