Znajści
Ałharytmičny łacinski varyjant
27.05.2024 / 20:302RusŁacBieł

Uzłamanaja adna z najbujniejšych rasijskich kampanij dastaŭki. Biełarusy taksama vielmi aktyŭna joj karystalisia

Uzłamali kampaniju SDEK. Adkaznaść uziała na siabie chakierskaja hrupoŭka Head Mare. Siervisy kampanii nie pracujuć druhi dzień i naŭrad ci adnoviacca vielmi chutka. Heta druhi ŭzłom kampanii z pačatku 2022 hoda.

Łahatyp kampanii SDEK. Fota: cdek-forward.ru

Pra prablemy z pracaj kampanii SDEK upieršyniu paviedamili ŭčora. Kampanija pačała havaryć pra «techničnyja niepaładki» i toje, što «siervis nieŭzabavie zapracuje». Ale nasamreč pryčyna ŭ inšym — siervis uzłamali.

Miarkujučy pa paviedamleńni chakierskaj hrupoŭki Head Mare, zakranutaja ŭsia infrastruktura kampanii. Sierviery kampanii zašyfravanyja, sajt nie pracuje, demanstrujucca skryny ŭnutranaj pierapiski.

Taksama chakiery śćviardžajuć, što spačatku całkam vypampavali ŭsiu infrastrukturu razam ź infarmacyjaj pra klijentaŭ kampanii.

Kampaniju ŭžo ŭzłomvali ŭ sakaviku 2022-ha. Tady ŭ sieciva trapili miljony radkoŭ piersanalnych źviestak, u tym liku i biełarusaŭ.

Maštaby ŭzłomu nieviadomyja, ale možna čakać, što nieŭzabavie chakiery vykładuć danyja. Amal dakładna tam buduć piersanalnyja źviestki klijentaŭ kampanii — heta poŭnyja imia i proźvišča, numar telefona i punkt abo adras dastaŭki.

Nieviadoma, kolki ludziej karystałasia siervisam, ale minuły raz «uciakli» źviestki socień tysiač biełarusaŭ.

Raniej kiraŭnik Nacyjanalnaha centra abarony piersanalnych danych Andrej Hajeŭ paviedamlaŭ, što za 2024 hod uciakli źviestki zvyš miljona biełarusaŭ i heta «źviazana z adnoj z bujnych kampanij dastaŭki». Nieviadoma, pra jakuju kampaniju tady išła havorka.

«Naša Niva» — bastyjon biełaruščyny

PADTRYMAĆ

Čytajcie taksama:

Adkul biarucca danyja ŭ botach, z dapamohaj jakich siłaviki deananimizujuć ludziej u Telegram

Machlary sabrali piersanalnyja źviestki tysiač biełarusaŭ zamiežža. Jak tak atrymałasia i pryčym tut pašpart Novaj Biełarusi?

«Kibierpartyzany» raskazali pra novy sposab machlarstva ŭ telehramie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
4
Ха-ха
6
Ого
2
Сумна
4
Абуральна
4
2
Łž/adkazać/
27.05.2024
ruskaje - značyć hamno
0
Znaju etu kontoru/adkazać/
27.05.2024
Ta jeŝio bohodielnia.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930