Za «zdradu dziaržavie» sudziać byłoha načalnika słužby pavietranaj raźviedki
U Viciebskim abłasnym sudzie prachodzić zakrytaje sudovaje pasiadžeńnie nad Valeryjem Ramanoŭskim. Jaho abvinavačvajuć u zdradzie dziaržavie (artykuł 356 KK), zaŭvažyła «Miedyjazona» ŭ raskładzie sudovych pasiadžeńniaŭ.
Valeryj Ramanoŭski. Kadr «Biełaruś-1»
U śniežni 2022 hoda telekanał «Biełaruś-1» vypuściŭ film pra kontrraźviedku KDB, dzie raspaviali pra biełarusaŭ i hramadzian inšych krain, jakich abvinavačvajuć u pracy na zamiežnyja śpiecsłužby.
Valeryja Ramanoŭskaha ŭ filmie nazvali «byłym načalnikam słužby pavietranaj raźviedki». U filmie tady adznačyli, što Ramanoŭskamu pahražaje da 15 hadoŭ kałonii, ale artykuł, pa jakim jaho abvinavačvajuć, nie nazvali.
U siužecie «Biełaruś 1» havorycca, što padčas słužby svajak ź Litvy «źvioŭ» padazravanaha z ahientami Departamienta dziaržbiaśpieki krainy. Dla ich Ramanoŭski fatahrafavaŭ słužbovyja dakumienty, a adnojčy pieradaŭ śpiecsłužbam źviestki ab budaŭnictvie BiełAES, śćviardžajecca ŭ filmie.
— Sam nie zaŭvažyŭ, jak pierajšoŭ hetuju hrań. Pieradavałasia infarmacyja, jakaja maje abmiežavalnyja štampy «sakretna» i «całkam sakretna», — raspavioŭ padazravany na «Biełaruś-1».
