«Tut miljon faktaraŭ». Siamja Safii Sapiehi prakamientavała jaje mahčymuju ekstradycyju
Siamja Safii Sapiehi pakul nie hatovaja kamientavać infarmacyju ab tym, što rasijski sud razhledzić materyjały ab jaje ekstradycyi ŭ RF dla adbyćcia pakarańnia, pra heta zajaviŭ jaje ajčym Siarhiej Dudzič.
Safija Sapieha
«My pakul nie ŭ kursie hetaha ( … ), kab niešta siońnia pa hetaj temie kamientavać, treba być surjoznym jurystam u pracesach ekstradycyi», — skazaŭ Dudzič «Sputniku».
Ź jaho słoŭ, siamja pakul što nie sustrakałasia z Safijaj u kałonii, ale sustrakaŭsia rasijski konsuł, jaki atrymaŭ jaje zhodu na ekstradycyju.
«Tak, my ŭ kursie hetaha, ale toje, što jana pahadziłasia, heta ŭsio roŭna ničoha nie vyrašyć. Tut miljon faktaraŭ. Usio budzie zaležać i ad rasijskaha boku, ad biełaruskaha boku. Jaje zhoda — heta farmalnaść», — skazaŭ Dudzič.
Pa słovach dypłamataŭ, konsulski rabotnik byŭ u Sapiehi ŭ kałonii i atrymaŭ jaje zhodu na ekstradycyju, sustreča prajšła 10 krasavika.
Na pačatku krasavika šerah ŚMI sa spasyłkaj na advakata Siamji Sapiehi paviedamiŭ, što jana moža viarnucca ŭ Rasiju, dzie budzie adbyvać astatniuju častku pakarańnia. Paviedamlałasia, što jaje rodnyja padali ŭ Miniust RF chadajnictva ab jaje ekstradycyi ŭ Rasiju, a biełaruski bok daŭ na heta zhodu.
Sapiehu zatrymali 23 maja 2021 hoda ŭ minskim aeraporcie razam z z Ramanam Pratasievičam paśla prymusovaj pasadki rejsa Ryanair Afiny — Vilnia. Praz hod sud pryznaŭ jaje vinavataj u raspalvańni sacyjalnaj varožaści, źlivie danych siłavikoŭ (sprava «Čornaj knihi Biełarusi») i daŭ joj 6 hadoŭ kałonii.
Safija Sapieha napisała prašeńnie ab pamiłavańni, u jakim joj admovili.
Safija Sapieha dała zhodu na ekstradycyju ŭ Rasiju
Safii Sapiezie admovili ŭ pamiłavańni
Byłaja palitźniavolenaja raskazała, jak cisnuć na palitviaźniaŭ u homielskaj žanočaj kałonii