Ministr abarony Ukrainy raspavioŭ pasłam ES, čaho nie chapaje dla efiektyŭnaha kontrnastupu
Ministr abarony Ukrainy Alaksiej Reźnikaŭ padčas sustrečy z delehacyjaj kamiteta Jeŭrasajuza pa pytańniach palityki i biaśpieki zajaviŭ, što Ukrainie dla kontrnastupu suprać rasijskich zachopnikaŭ nieabchodnyja ciažkaja technika i padrychtoŭka reziervaŭ, piša «Ukrainskaja praŭda».
Ministr abarony Ukrainy Alaksiej Reźnikaŭ. Fota: Minabarony
Ministr abarony prainfarmavaŭ jeŭrapiejskich partnioraŭ ab biahučym stanie situacyi na pieradavoj, u pryvatnaści, na paŭnočnym, uschodnim i paŭdniovym napramkach.
Asobnaja ŭvaha była akcentavana na pieradačy Jeŭrasajuzam dapamohi siłam abarony Ukrainy i prafiesijnaj padrychtoŭcy ŭkrainskich vajskoŭcaŭ za miažoj.
«Ščyra ŭdziačny vašym krainam za sistemnuju padtrymku i praviedzienuju pracu. Dziakujučy pastaŭkam zachodniaha ŭzbrajeńnia, USU majuć pośpiechi na poli boju. Adnak my rychtujemsia da kontrnastupalnaj apieracyi, tamu Ukrainie nieabchodnyja pierš za ŭsio ciažkaja technika i padrychtavanyja reziervy», — skazaŭ Reźnikaŭ.
Čytajcie taksama:
Ministr abarony Ukrainy anansavaŭ kontrnastupleńnie na krasavik-maj
Kiraŭnik Pientahona: Ukraina maje dobryja šancy na paśpiachovaje kontrnastupleńnie
