Z-za Paŭła Sieviarynca na carkoŭnyja słužby ŭ škłoŭskaj kałonii pačali prychodzić milicyjaniery
Pra heta raspavioŭ adzin z byłych viaźniaŭ kałonii na ŭmovach ananimnaści, piša «Radyjo Svaboda».
«Viaźni niejak paskardzilisia administracyi, što Pavieł Sieviaryniec u carkvie źbiraje hurtki palitźniavolenych na biełaruskaj movie. Paśla hetaha na carkoŭnyja słužby pačali prychodzić supracoŭniki milicyi i sačyć. Idzie słužba, a ŭ ich racyja harłapanić i jany žujuć siemki.
Sieviarynca nie čapali da leta 2022 hoda. Potym čuli, što i ŭ atradzie, i ŭ ŠIZA zabaranili ŭsim razmaŭlać ź im. Ale Pavieł zaŭsiody havaryŭ pa-biełarusku», — skazaŭ viazień.
Paŭła Sieviarynca zatrymali 7 červienia 2020 hoda, kali jon viartaŭsia ź pikieta Cichanoŭskaj na Kamaroŭcy. Spačatku niekalki razoŭ davali sutki, a potym stała viadoma pra kryminalnuju spravu.
Amal praz hod, 25 maja 2021-ha, jaho asudzili da siami hadoŭ kałonii ŭzmocnienaha režymu. Pakarańnie Pavieł adbyvaje ŭ škłoŭskaj kałonii.
Jon adbyvaŭ pakarańni i raniej: z 2005-ha pa 2007-my i z 2010-ha pa 2013 hady, tady jon byŭ asudžany da «chimii».
ili jesť?)