Znajści
Ałharytmičny łacinski varyjant
22.03.2023 / 11:2213RusŁacBieł

Što viadoma pra kadebešnika Alaksieja Zacharava, jakoha «Bajpoł» ličyć «likvidavanym zamiežnikam» u Hrodnie

Učora «Bajpoł» ahučyŭ svaju viersiju padziej u Hrodnie. Jon paličyŭ «likvidacyju terarysta-zamiežnika» insceniroŭkaj i navat nazvaŭ imia mahčymaha vykanaŭcy hałoŭnaj roli. Raspaviadajem, što viadoma pra hetaha čałavieka. «Naša Niva» taksama źviazałasia ź jaho žonkaj.

«Alaksiej Łamakin» z padrobnaha rasijskaha pašparta i Alaksiej Zacharaŭ z bazy AIS «Pašpart». Fota: ATN, «Kibierpartyzany»

Ci nasamreč «Łamakin» i Alaksiej Zacharaŭ — heta adzin čałaviek, nam dakładna nieviadoma. Razam z tym, dźvie niejrasietki, jakimi karystajucca dla pravierki padabienstva tvaraŭ, vydali vynik padabienstva hetych fota 98% i bolš.

Fota z pašparta psieŭda-Łamakina spačatku nie ŭdałosia prabić praź jaho kiepskuju jakaść. Adnak paźniej u siužecie dziaržTB pakazali zdymak u lepšaj jakaści. Pa bazie «Kibierpartyzanaŭ» jon identyfikujecca jak supracoŭnik KDB Zacharaŭ Alaksiej Mikałajevič 1981 hoda naradžeńnia.

Alaksieju Zacharavu 41 hod. Jon rodam z Haradka Viciebskaj vobłaści. Baćka mužčyny sa struktur MUS, pierad piensijaj pracavaŭ u haradockim IČU.

Pa źviestkach, pieradadzienych «Našaj Nivie» ad «Kibierpartyzanaŭ», u 2003 hodzie Alaksiej Zacharaŭ pracavaŭ va ŭpraŭleńni pracy, zaniataści i sacyjalnaj abarony Haradockaha rajvykankama.

Užo ŭ 2004 hodzie mužčyna pierachodzić na pracu ŭ čaść №94017, jakaja znachodzicca ŭ miastečku Prudok la Haradka. Jana ŭvachodzić u Vajskova-pavietranyja siły i vojski SPA. Čaść adkazvaje za ŭtylizacyju praterminavanych bojeprypasaŭ (u Haradku znachodzicca Centr utylizacyi avijacyjnych srodkaŭ paražeńnia), a na jaje terytoryi jość pažarnaja čaść, jakaja dapamahaje miascovamu MNS tušyć pažary i zajmajecca vyratavalna-raźviedvalnymi rabotami razam z MUS.

Vajskoŭcam čaści №94017 prezientujuć łukašenkaŭskuju Kanstytucyju ŭ 2021 hodzie. Fota: «Haradocki vieśnik»

Zacharaŭ paśla nie raz viartaŭsia tudy.

U 2005 hodzie mužčyna pierachodzić na pracu na Haradocki lnozavod, ale ciaham hoda viartajecca ŭ čaść №94017. Paśla nievialikaha pierapynku jon pačynaje pracavać u «Biełtecheksparcie», a potym znoŭ viartajecca ŭ čaść №94017, a paźniej pierachodzić na pracu na Haradocki ramontny zavod. U 2008 hodzie jahonym miescam pracy znoŭku značycca čaść №94017, dzie jon pracavaŭ sama mieniej da 2011 hoda.

U 2012-m u bazie AIS «Pašpart» jahonym miescam pracy ŭžo paznačany KDB. Nakolki viadoma, Zacharaŭ pracavaŭ u Viciebskim abłasnym upraŭleńni.

Admietna taksama, što ŭ kancy 2012 hoda mužčyna ažaniŭsia, ale ŭ bazie pra heta źviestak niama (ale jość u jaho žonki). Žonka nie ŭziała jahonaha proźvišča, a Zacharaŭ padpisvaŭsia ŭ sacsietkach jaje proźviščam.

Na zapyt «Našaj Nivy» pra kamientar žančyna nie adkazała i zabłakavała žurnalista.

Pakul historyja pakidaje šmat pytańniaŭ.

Pavodle viersii prapahandystaŭ, u Biełaruś «Łamakina» nibyta zakinuli z Polščy. Spačatku z 24 pa 28 lutaha jon žyŭ u Mahilovie, 1 sakavika nakiravaŭsia ŭ Minsk, a paśla pierabraŭsia ŭ Hrodna.

Haspadara arendnaj kvatery aryštavali.

«Łamakin» nibyta rychtavaŭ terakt, mieŭ vybuchoŭku i zbroju.

Pry zatrymańni jon, pavodle aficyjnaj viersii, adkryŭ ahoń z aŭtamata Kałašnikava, kinuŭ hranaty i byŭ paranieny. Pa darozie ŭ balnicu, pavodle viersii siłavikoŭ, jon pamior.

«Naša Niva» — bastyjon biełaruščyny

PADTRYMAĆ

Čytajcie taksama:

«Bajpoł» ličyć padziei ŭ Hrodnie insceniroŭkaj. I nazyvaje imia mierkavanaha «terarysta»

DziaržSMI pakazali padrobleny pašpart zabitaha ŭ Hrodnie. Raspaviadajem, kamu jon naležaŭ i jak robiacca takija dakumienty

Pa TB raskazali padrabiaznaści taho, jak «Łamakin» kursiravaŭ pa Biełarusi i jak jaho nibyta brali kadebisty

MUS šukaje kala 1000 čałaviek za «ekstremisckija złačynstvy». Ale «nie bolš»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Aha/adkazać/
22.03.2023
Nadojeł!!!, Aha-aha. 28 hod heta rabiŭ, a tut chop- i pierastaŭ
0
Sania /adkazać/
22.03.2023
tieatr odnoho riežiśsiora , a načałoś od śpiektakla obstrieła avtomobila buduŝieho samodieržavca, tožie v tielevizorie pokazyvali... 
0
Hleb Žehłoŭ/adkazać/
23.03.2023
Typičnaja pracoŭnaja bijahrafija kahebešnaha "krota", jakija ŭniadrajucca ŭ pracoŭnyja kalektyvy. Heta ŭ ich kontrvyviedka.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031