U Maładziečnie pry prodažy jajek biaruć asobnuju apłatu za łatok
Žurnalisty zaŭvažyli ŭ adnoj z kram Maładziečna jajki, niekatoryja ź jakich byli rasfasavanyja ŭ zvyčajnyja polietylenavyja pakiety, a inšyja — u śpiecyjalnyja łatki. Pry hetym pamiž pa-roznamu ŭpakavanymi jajkami była roźnica ŭ canie, piša «Anłajnier».
Za łatok pakupnikam treba zapłacić asobna 14 kapiejek, dadatkovy ceńnik prymacavali na vitrynie pobač z łatkami.
Kali ŭziać i jajki, i łatok, to pakupnik płacić 2,59 rubla. Kali brać takija ž jajki, ale ŭ pakiecie, jany buduć kaštavać 2,45 rubla.
U administracyi kramy rastłumačyli, čamu łatok pradajuć asobna: jajki biez upakoŭki «adhruziŭ adzin z pastaŭščykoŭ», i «kampanija zakupiła łatki asobna», u ich sami rabotniki kramy i fasujuć pradukt.
U pakupnikoŭ ža jość vybar — kuplać jajki ŭ pakiecie ci razam z łatkom, płaciačy dadatkovyja hrošy.