U Minsku pačali sudzić palitviaźnia, jakoha trymali ŭ SIZA bolš za 2,5 hoda
Palitviazień Ilja Šapatkoŭski znachodzicca ŭ SIZA ŭžo 2 hady 7 miesiacaŭ i 12 dzion. Jaho abvinavačvajuć pavodle č. 1 art. 357 KK («Zmova ci inšyja dziejańni, učynienyja z metaj zachopu ŭłady niekanstytucyjnym šlacham»), paviedamlaje «Viasna».
Ilja Šapatkoŭski ŭ 2020 hodzie braŭ aktyŭny ŭdzieł u pracy vybarčaha štaba Viktara Babaryki i ŭznačalvaŭ adździeł vieryfikacyi podpisaŭ.
Byŭ zatrymany 4 žniŭnia 2020 hoda, jaho spačatku źmiaścili pad vartu ŭ miežach kryminalnaj spravy pa «ekanamičnym» artykule. Adnak u kancy 2021 hoda artykuł źmianili na inšy — č. 1 art. 357 Kryminalnaha kodeksa («Zmova ci inšyja dziejańni, ździejśnienyja z metaj zachopu dziaržaŭnaj ułady»).
Pavodle śledstva, «abvinavačvany adkazvaŭ za destruktyŭny infarmacyjny paradak, raźmiaščaŭ miedyjamateryjały, nakiravanyja vyklučna na naniasieńnie škody reputacyi dziaržaŭnych orhanaŭ, pravaachoŭnaha błoka i pradstaŭnikoŭ ułady. Meta — zakłaści ziernie sacyjalna-palityčnaha supraćstajańnia ŭ hramadstvie.
Jon aktyŭna padzialaŭ idei złačynnych farmavańniaŭ i spryjaŭ im u dasiahnieńni paznačanych met šlacham zabieśpiačeńnia infarmacyjnaha supravadžeńnia, kultyvavaŭ i prapahandavaŭ u hramadstvie pratesnyja nastroi».
Siońnia ŭ Minharsudzie pačali razhladać spravu palitviaźnia. Praces viadzie sudździa Natalla Buhuk.
Padtrymajcie Ilju: SIZA-1. 220030, Minsk, Vaładarskaha, 2, Ilja Uładzimiravič Šapatkoŭski.
U Minsku zatrymali byłoha supracoŭnika STB Dźmitryja Bajaroviča i jaho žonku VIDEA