Pavodkami ŭ Biełarusi padtoplena bolš za paŭtysiačy padvorkaŭ
U Biełarusi ciapier pavodkavymi vodami padtoplena bolš za 560 pryvatnych padvorkaŭ, u asnoŭnym u Homielskaj i Bresckaj abłaściach, raskazaŭ na pres-kanfierencyi aficyjny pradstaŭnik MNS.
Pavodka na Prypiaci. Fota ilustracyjnaje
Hidramietearołahi Biełhidramieta ŭ najbližejšyja dni prahnazujuć rost uzroŭniu vady ŭ rekach. U asnoŭnym jon abumoŭleny apadkami, a intensiŭnaść padjomu składaje ad adnaho da dvaccaci šaści santymietraŭ za sutki.
Pavodle śpiecyjalistaŭ, vada ŭžo vyjšła na pojmu na bolšaści rek basiejnu Prypiaci, a taksama na rekach basiejnaŭ Niomana, Zachodniaha Buha, Dniapra, Biareziny i Soža.
Niebiaśpiečnuju adznaku vada pieravysiła na Prypiaci kala Pietrykava, blizkaja jana da hetaha ŭzroŭniu na Prypiaci kala vioski Černičy Žytkavickaha rajona, na Słučy kala ahraharadka Lenin i na Pcičy kala vioski Pieršaja Słabodka.
Čytajcie taksama:
U Niaśvižskim rajonie viaskovaja vulica pieratvaryłasia ŭ raku VIDEA
