Raspracoŭščyk fitnies-dadatkaŭ Verv zakryvaje kampaniju ŭ Biełarusi
Jak vynikaje z sajta Adzinaha dziaržrehistra, Verv likviduje jurydyčnuju asobu ŭ Biełarusi — kampaniju «Red Rok», zaŭvažyŭ dev.by.
Aficyjna kampanija raspačała praceduru likvidacyi ź listapada minułaha hoda. Taksama kampanija źnikła sa śpisa rezidentaŭ PVT (uvajšła ŭ Park letam 2014 hoda).
Kampaniju Verv (pieršapačatkova nazyvałasia Red Rock Apps) u 2013 hodzie zasnavała Luboŭ Paškoŭskaja razam z dvuma kafaŭndarami. Kampanija stvaraje mabilnyja dadatki ŭ katehoryi Health and Fitness.
U 2018 hodzie Red Rock Apps stała samym pampavanym vydaŭcom u svaim siehmiencie (danyja App Anie) i pamianiała nazvu na Verv. Paškoŭskaja patrapiła ŭ śpis lepšych IT-biznesvumien Jeŭropy pa viersii Forbes — Europeʼs Top 50 Women In Tech.
Na toj momant Verv uvachodziła ŭ top stvaralnikaŭ fitnies-dadatkaŭ u Jeŭropie i ZŠA, a kolkaść zapampovak raspracovak kampanii pieravyšała anałahičnyja pakazčyki Fitbit i Nike.
Taksama Verv uvachodziła ŭ top-10 pablišeraŭ ź biełaruskimi karaniami pa pamiery vyručki. Pa danych Sensor Tower, pa vynikach 2021 hoda vyručka Verv skłała kala 13 miljonaŭ dalaraŭ. Dadatki Verv spampavali bolš za 5 miljonaŭ razoŭ.
Verv papoŭniła śpis viadomych mabilnych raspracoŭščykaŭ ź biełaruskimi karaniami, jakija likvidujuć kampanii ŭ Biełarusi. U hetym śpisie Flo, Wannaby, Playgendary, Vochi. Taksama ź Biełarusi syšoŭ hiejmdeŭ-hihant Playrix.
