U Rasii pavyšajuć pryzyŭny ŭzrost da 30 hadoŭ
U Dziarždumu RF unieśli zakonaprajekt ab pavyšeńni pryzyŭnoha ŭzrostu z 18—27 da 21—30 hadoŭ.
U tłumačalnaj zapiscy da zakonaprajekta havorycca, što pavieličeńnie pryzyŭnoha ŭzrostu dazvolić «paźbiehnuć jaŭki školnikaŭ i studentaŭ u vajskovyja kamisaryjaty dla ŭdziełu ŭ mierapryjemstvach, źviazanych z adterminoŭkaj ad pryzyvu» padčas navučalnaha pracesu.
Pavysić vierchniuju płanku pryzyŭnoha ŭzrostu da 30 hadoŭ zakanadaŭcy prapanujuć za adzin raz, a pavyšeńnie nižniaj płanki z 18 da 21 hoda pravodzić paetapna:
▪️ z 19 da 30 hadoŭ — z 1 studzienia pa 31 śniežnia 2024 hoda;
▪️ z 20 da 30 hadoŭ — z 1 studzienia pa 31 śniežnia 2025 hoda;
▪️ z 21 da 30 hadoŭ — z 1 studzienia 2026 hoda.
Adnak hramadzianie, jakija žadajuć paśla 1 studzienia 2024 hoda pajści na vajskovuju słužbu pa pryzyvie pa dasiahnieńni 18 hadoŭ, mohuć heta zrabić, padaŭšy zajavu ŭ pryzyŭnuju kamisiju.
Hramadzianie va ŭzroście ad 27 da 30 hadoŭ, jakija trapili ŭ zapas, ale nie prajšli terminovuju słužbu biez zakonnych padstaŭ dla hetaha, mohuć pajści na vajskovuju słužbu pa pryzyvie pa žadańni, patłumačyli aŭtary zakonaprajekta.
Pa ich danych, štohod z uliku pryzyŭnikoŭ zdymajecca i pieravodzicca ŭ zapas kala 80 tysiač hramadzian, pry hetym 30% ź ich nie słužyli i nie mieli na toje zakonnych padstaŭ.
