Lehiendu anhlijskaha futboła adchilili ad teleefiru z-za krytyki ŭrada. Na znak pratestu inšyja viadoŭcy pačali zryvać prahramy, hiendyrektaru BBC daviałosia vybačacca
Były futbalist zbornaj Anhlii Hary Linekier vystupiŭ suprać zakonaprajekta ab nielehalnych mihrantach u Brytanii, paraŭnaŭšy ŭ sacsietkach rytoryku ŭrada z naratyvami ŭ Hiermanii 30-ch hadoŭ. Telekampanija BBC adchiliła jaho ad pracy viadoŭcam prahramy Match of the Day.
Hary Linekier, fota BBC.
«My nikoli nie kazali, što Hary pavinien ustrymlivacca ad vykazvańnia ŭłasnaha mierkavańnia, ale my kazali, što jon pavinien ustrymlivacca ad taho, kab ustavać na toj ci inšy bok pa pytańniach, jakija tyčacca palityčnych partyj, abo ŭ rezanansnych palityčnych sprečkach», — rastłumačyła svajo rašeńnie kiraŭnictva telekampanii.
U padtrymku Linekiera vystupili mnohija kamientatary i žurnalisty, u vyniku čaho subotni vypusk prahramy Match of the Day, jaki zvyčajna doŭžycca bolš za hadzinu, byŭ skaročany da 20 chvilin.
Aproč hetaha, z-za bajkotu žurnalistaŭ i viadučych byŭ sarvany vychad prahram Football Focus, Final Score i radyjošou Fighting Talk.
Hienieralny dyrektar BBC Cim Dejvi prynios prabačeńni za zryŭ spartyŭnaj prahramy.
«Dla mianie budzie pośpiecham viarnuć Hary ŭ efir i razam pradstavić hledačam aśviatleńnie sportu suśvietnaha ŭzroŭniu», — skazaŭ Dejvi, pryznaŭšy, što minuły dzień byŭ «ciažkim» dla BBC. Jon taksama dadaŭ, što karparacyja «vielmi staranna pracuje nad tym, kab vyrašyć situacyju».
