Paśla adkrytych sudoŭ nad padletkami praktyku raspaŭsiudzili i na «krepkich haspadarnikaŭ»
U Mazyrskim rajvykankamie praviali adkrytaje pasiadžeńnie suda. Novy sposab zapałochvańnia, aprabavany na navučencach i pryzyŭnikach, ciapier pieraniesieny i na inšyja płasty hramadstva, zaŭvažaje «Fłahštok».
Na vačach u kaleh adbyłosia vyniasieńnie prysudu kiraŭnikam sielhaspradpryjemstva «Kapličy» Kalinkavickaha rajona. Dyrektara, zaatechnika i jašče šaściarych supracoŭnikaŭ pradpryjemstva abvinavacili va ŭtojvańni faktaŭ padziažu žyvioły i niapravilnym afarmleńni statystyčnaj spravazdačnaści. Pa źviestkach śledstva, prypiski skłali bolš za 450 hałoŭ.
Sud pryznačyŭ abvinavačanym 7 hadoŭ pazbaŭleńnia voli ŭ kałonii ŭzmocnienaha režymu.
Praktyka vyjaznych pasiadžeńniaŭ suda atrymała raspaŭsiudžvańnie z 2021 hoda. Spačatku jana była aprabavana na adukacyjnych ustanovach. Sud na vačach u adnahodkaŭ padavaŭsia jak «šokavy vid prafiłaktyki».
