U minskaj piakarni pradajuć hihancki kruasan. Uhadajcie canu
Na sajcie Koko.by pakazali, jak u minskim hastrabary «BaterBro» vyhladaje firmovy kruasan vahoj u 700 hramaŭ z 400 hramami tvarožnaha syru i jašče 400 hramami chatniaha vareńnia z roznych jahad.
Taki hihancki kruasan u hetaj ustanovie padajuć tolki na śniadanak pa budniach i vychadnych pa papiaredniaj zamovie, prosta tak vypadkovy naviedvalnik jaho nie kupić.
Pry dehustacyi vyjaviłasia, što ciesta ŭ hetym kruasanie vilhotnaje, ale nie syroje, a pa krajach jon — jak typovy kruasan. Lohka razryvajecca, maślanisty i pavietrany, zvonku idealnaja chrabustkaja skarynačka. Nu i, viadoma, uražvaje pamier.
Jeści, adnak, hetaha hihanta niazručna, bo ŭsie ruki ŭ maśle, da taho ž kryšycca.
Nu i kaštuje niamała — ažno 88 rubloŭ.
Najlepiej z usich punktaŭ hledžańnia jaho zamaŭlać nie na adnaho čałavieka, a na kampaniju.
Siarod plusaŭ — toje, što kruasan sytny, smačny i pryjemna vyhladaje.
