Prakuror zaprasiŭ dla Valeryi Kaściuhovaj i Taćciany Kuzinaj pa 10 hadoŭ źniavoleńnia
Pra heta paviedamlaje «Jeŭraradyjo». Sud nad žančynami praciahvajecca z 6 lutaha.
Palitźniavolenych abvinavačvajuć pa troch artykułach Kryminalnaha kodeksa: «Dapamoha dziejańniam, učynienym z metaj zachopu ŭłady», «Zakliki da dziejańniaŭ, nakiravanych na pryčynieńnie škody nacyjanalnaj biaśpiecy» i «Raspalvańnie inšaj sacyjalnaj varožaści».
Kaściuhova — palitołah, zasnavalnica i redaktarka sajta ekśpiertnaj supolnaści «Naša mierkavańnie», redaktarka i aŭtarka «Biełaruskaha štohodnika», kiraŭnica hrupy ekśpiertaŭ pa manitorynhu «Biełaruś u fokusie». Jana znachodzicca za kratami z 30 červienia 2021 hoda.
Kuzina — suzasnavalnica škoły maładych mieniedžaraŭ publičnaha administravańnia Sympa, ekśpiertka daśledčaha prajekta bipart. Jaje zatrymali ŭ Minsku ŭnačy z 28 na 29 červienia 2021 hoda.
