80-hadovaha krajaznaŭca, jaki pieražyŭ kancłahier, asudzili za publikacyju ŭ fejsbuku
U Vierchniadźvinsku sud aštrafavaŭ 80-hadovaha krajaznaŭca, staršaha navukovaha supracoŭnika miascovaha historyka-krajaznaŭčaha muzieja Antona Bubału. Jon hanarovy hramadzianin horada.
Fota: fejsbuk
U malenstvie Anton Francavič Bubała pieražyŭ ź siamjoj kancłahier. Viasnoj 1943 hoda, kali jamu nie było i hoda, razam z maci, bratam i siastroj jon apynuŭsia siarod viaźniaŭ Sałaśpiłskaha kancłahiera (jon znachodziŭsia niedaloka ad Ryhi). Za hady Vialikaj Ajčynnaj vajny tam zahinuła 7 000 dziaciej. Kancłahier isnavaŭ da kanca leta 1944 hoda. Maci i dzieciam Bubała paščaściła akazacca ŭ liku vyžyŭšych.
Pasiadžeńnie rajonnaha suda było jašče 24 studzienia. Pastanovu apublikavali ŭ siecivie.
Mužčynu asudzili za toje, što na svajoj staroncy ŭ fejsbuku jon raźmiaściŭ štości z «ekstremisckich materyjałaŭ» (č. 2 art. 19.11 KaAP). Jamu vypisali štraf na 740 rubloŭ (20 bazavych vieličyń) i adabrali telefon.
