Naftahazavyja dachody Rasii ŭ lutym skaracilisia na 48% paśla skaračeńnia na 38% u studzieni
Naftahazavyja dachody Rasii ŭ lutym upali amal udvaja (na 48%) u paraŭnańni ź minułym hodam. Heta adbyłosia na fonie zachodnich sankcyj i rostu źnižak na naftu Urals. Dachody ad ekspartu hazu paśla rezkaha padzieńnia jaho abjomaŭ skaracilisia na 42%, padličyŭ Bloomberg.
Naftahazavyja dachody Rasii ŭ lutym skłali 6,9 młrd dalaraŭ. Dachody ad nafty i naftapraduktaŭ skaracilisia na 4,8 młrd dalaraŭ, a hazavyja dachody — na 2,1 młrd.
U lutym siaredniaja cana na asnoŭny ekspartny hatunak Urals skłała 49,56 dalara za baral.
Z 5 śniežnia dziejničaje embarha ES na kuplu nafty z Rasii z dastaŭkaj pa mory, a taksama stol cen na ŭzroŭni 60 dalaraŭ, da jakoj dałučylisia krainy G7, Aŭstralija i Narviehija. Z 5 lutaha takija ž miery ŭviali pa rasijskich naftapraduktach.
Na dachody ad enierhanośbitaŭ prypadaje kala traciny pastupleńniaŭ u rasijski biudžet.
Raniej ahienctva Reuters sa spasyłkaj na danyja Mižnarodnaha enierhietyčnaha ahienctva paviedamlała, što ŭ studzieni 2023 hoda dachody Rasii ad ekspartu nafty i hazu źnizilisia na 38 pracentaŭ u paraŭnańni sa studzieniem 2022 hoda.
