Znajści
Ałharytmičny łacinski varyjant
03.03.2023 / 14:1631RusŁacBieł

Sacyjołahi dali śviežyja źviestki, kamu biełarusy daviarajuć i ci hatovyja žyć biez Rasii

Takija danyja atrymany ŭ vyniku apytańnia haradskoha nasielnictva, jakoje niadaŭna pravioŭ Chatham House (Karaleŭski instytut mižnarodnych adnosin — brytanski analityčny centr u halinie mižnarodnych adnosin).

Čatyry hrupy spažyvańnia navin

Z-za palityčnaj situacyi pravieści paŭnavartasnaje ankietavańnie ŭ Biełarusi zaraz niemahčyma, tamu daśledčyki arhanizavali internet-intervju. Pa hetaj pryčynie vybarka abmiežavanaja nie tolki haradskim nasielnictvam, ale i zvužana da karystalnikaŭ internetu.

Kožny piaty z apytanych atrymlivaje naviny ź niedziaržaŭnych ŚMI, kožny treci (35 pracentaŭ) addaje pieravahu dziaržaŭnym. Kožny čaćviorty imkniecca prahladać abodva siehmienty miedyjaprastory. Cikava, što kožny piaty apytany nie cikavicca navinami, prahladaje prahramy navin i sajty radziej čym raz na tydzień.

Takim čynam, niezaležnyja ŚMI mohuć raźličvać na toje, što ich infarmacyja dojdzie da kožnaha druhoha haradskoha žychara, a voś infarmacyja dziaržaŭnych ŚMI — da dvuch čałaviek z troch.

Niahledziačy na chutki rost internet-spažyvańnia, biełarusy atrymlivajuć naviny ŭ pieršuju čarhu ź biełaruskich i rasijskich telekanałaŭ. Pryčym ich aŭdytoryja amal adnolkavaja pa kolkaści.

Rasijskija kanały štodzionna ci čaściej hladzić 34 pracenty apytanych, biełaruskija — 32. Uzrovień davieru da ich (adkaz — poŭnaściu ci chutčej daviaraju) znachodzicca na ŭzroŭni 40 pracentaŭ dla abodvuch.

Niezaležnyja biełaruskija internet-ŚMI («Naša Niva», «Zierkało», «Jeŭraradyjo», «Radyjo Svaboda», «Biełsat») z takoj ža častatoj prahladaje kožny piaty. Uzrovień davieru da ich składaje 27 pracentaŭ.

Pry adnolkavym uzroŭni davieru da rasijskich i biełaruskich dziaržaŭnych telekanałaŭ u biełarusaŭ bolšy niedavier da svaich, čym da rasijskich (adpaviedna 34 i 29 pracentaŭ apytanych). Niezaležnym biełaruskim internet-ŚMI nie daviarajuć 25 pracentaŭ apytanych.

Uzrovień davieru roznych aŭdytoryj da ŚMI

Daśledavańnie pakazała, što biełaruskaje hramadstva čakaje reformaŭ. Za ich vykazałasia 59 pracentaŭ apytanych. Tolki 15 pracentaŭ ličyć, što jany ci niepatrebnyja ŭvohule, ci chutčej nie patrebnyja.

Mierkavańnie apytanych ab nieabchodnaści reformaŭ

Za chutkija reformy vystupaje kožny dziasiaty. Stolki ž vystupaje za źnižeńnie roli dziaržavy va ŭsich śfierach. Za reformy tolki ŭ asobnych śfierach vykazaŭsia kožny piaty. Pastupovyja i va ŭsich śfierach reformy padtrymlivaje kožny druhi.

Amal 60 pracentaŭ respandentaŭ ličyć, što reformy pavinny być nakiravanyja ci na pamianšeńnie, ci na pavyšeńnie ŭdziełu dziaržavy ŭ zaležnaści ad haliny.

Try čałavieki z čatyroch (74 pracenty) ličać, što na siaredniuju biełaruskuju piensiju niemahčyma hodna pražyć.

Dva čałavieki z troch (65 pracentaŭ) — što ŭ Biełarusi zašmat čynoŭnikaŭ i dziaržaŭnych struktur.

Pry hetym amal kožny druhi (45 pracentaŭ) ličyć, što bolšaść čynoŭnikaŭ, u tym liku vysokapastaŭlenych, — niekampietentnaja.

Bolš za pałovu (56 pracentaŭ), što ŭ krainie vielmi vysokija padatki.

Amal stolki ž (52 pracenty) prytrymlivajecca mierkavańnia, što bolšaja častka hrošaj idzie ŭ Minsk, a abłasnym i asabliva rajonnym haradam zastajecca mała srodkaŭ.

Apytańnie pakazała, što biełarusy nie daviarajuć dziaržavie. Kožny druhi haradski žychar ličyć, što «prosty čałaviek ŭ Biełarusi nie abaronieny ad samavolstva ŭład».

Dva čałavieki z troch nie vierać u aficyjnuju statystyku śmiarotnaści ad karanavirusa.

U toj ža čas amal kožny čaćviorty (23 pracenty) padtrymlivaje vymušanyja, nie zaŭsiody papularnyja dziejańni dziaržavy, jak pavyšeńnie piensijnaha ŭzrostu, skaračeńnie dekretnaha adpačynku ci pavyšeńnie padatkaŭ.

Try ź piaci apytanych haradžan ličać, što ŭ biełaruskich škołach dajuć dobruju adukacyju, a dva ź piaci, što sistema adukacyi ŭ Biełarusi pracuje lepš, čym u susiednich krainach.

Pałova respandentaŭ prytrymlivajecca mierkavańnia, što dziaržava dastatkova dapamahaje šmatdzietnym siemjam.

Kala pałovy apytanych zhodna ź mierkavańniem, što paśla vybaraŭ źjechała šmat talenavitych ludziej.

Kožny čaćviorty ličyć, što ni va ŭłady, ni ŭ apazicyi niama bačańnia budučaha krainy.

Stolki ž vykazałasia suprać vykarystańnia śmiarotnaha pakarańnia ŭ Biełarusi.

Bolš za čverć apytanych (27 pracentaŭ) vykazała abyjakavaść da taho, jaki ściah budzie ŭ krainie. Tolki kožny šosty (16 pracentaŭ) pahadziŭsia z tym, kab biełaruskaja mova była adzinaj dziaržaŭnaj.

U zamiežnaj palitycy siarod apytanych papularnaj zastajecca ŭstanoŭka na niejtralitet. Dźvie trecija vystupajuć za toje, kab Biełaruś mieła adnolkava dobryja adnosiny jak z Zachadam, tak i z Uschodam.

38 pracentaŭ biełaruskich haradžan ličać, što Biełaruś nie vyžyvie biez rasijskaj dapamohi. Z hetym mierkavańniem nie zhodny 31 pracent respandentaŭ.

Čytać jašče:

Danyja novaha daśledavańnia pa biełarusach u Litvie — niečakanyja vysnovy

«Sakretnaje amierykanskaje apytańnie». Pres-sakratar MZS zajaviŭ, što 70% biełarusaŭ chočuć, kab krainaj kiravaŭ Łukašenka

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
15
Панылы сорам
81
Ха-ха
11
Ого
5
Сумна
15
Абуральна
23
6
2023/adkazać/
04.03.2023
Illa, 30% ničoha nie vyrašyli b. Prablema ŭ tym, što ŭ hałovach 80-90% nasielnictva žyvie russkij mir. Jak i ŭ vašaj, darečy. 
5
Chitryj /adkazać/
04.03.2023
Nikomu nie vieriu , ni im ni vam . Vy umrietie , a ja ostanuś, budu vašich podruh utiešať, komu to ž nado. Prodołžajem drať čuby!
1
2023/adkazać/
06.03.2023
nie tot nie tort, ale kali heta praŭda… Zamiest jeŭrapiejskaj nacyi heta zbolšaha zrusifikavany skot, poŭny nianaviści da "nacyjanalistaŭ". A byŭ by "toj", to j žyŭ by, prynamsi, jak litoŭcy.   

Heta Paźniak lubić usich biełarusaŭ jak jość. Ja dyk ćviaroza adroźnivaju našych ad zombi. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930