Śledčy kamitet raspačaŭ kryminalnuju spravu z nahody sustrečy fanataŭ subkultury «PVK Rodan»
Śledčym kamitetam raspačata kryminalnaja sprava pa fakcie «arhanizacyi dziejańniaŭ, jakija hruba parušajuć hramadski paradak u Homieli», zajaviŭ aficyjny pradstaŭnik Śledčaha kamiteta Respubliki Biełaruś Siarhiej Kabakovič.
Pa danych SK, 28 lutaha, «paddaŭšysia zaklikam, apublikavanym u sacyjalnych sietkach», kala handlovaha centra «Sakret» u Homieli sabralisia 200 maładych čałaviek va ŭzroście ad 13 da 21 hoda roznych moładzievych subkultur, u tym liku «PVK Rodan».
SK piša, što masavaje mierapryjemstva było niezakonnym. Byli zatrymanyja 200 čałaviek, 183 ź ich niepaŭnaletnija.
Raspačata kryminalnaja sprava pa art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak) Kryminalnaha kodeksa Biełarusi.
Ciapier SK šukaje arhanizataraŭ masavaha zboru.
Čytajcie taksama:
U Homieli žorstka zatrymlivajuć niepaŭnaletnich z «PVK Rodan»
«PVK Rodan» užo ŭ Minsku. Płanujuć sustreču na Kamiennaj Horcy
U Homieli i Mahilovie adnamomantna źjavilisia pabliki niebiaśpiečnaj moładzievaj subkultury «PVK Rodan»
