U Maskvie zatrymali čałavieka, jakoha vinavacili ŭ suviaziach z Nexta
U Maskvie zatrymali Aleha Sieliviorava, jakoha padazravali ŭ suviazi z kanałam Nexta Live. Doma ŭ jaho adbyŭsia pieratrus. Pra heta paviedamlaje pravaabarončy prajekt «OVD-Info».
Fota ilustracyjnaje
Aleh Sielivioraŭ paśpieŭ skazać svajakam, što jaho padazrajuć pa artykule ab publičnych zaklikach da ažyćciaŭleńnia terarystyčnaj dziejnaści abo terakta. Doma ŭ mužčyny praviali pieratrus, kanfiskavali techniku i pavieźli na dopyt.
Raniej 27-hadovaha Aleha Sieliviorava praviarali na dačynieńnie da telehram-kanała Nexta Live. Rasijskija siłaviki śćviardžali, što hety telehram-kanał aformleny nibyta mienavita na jaho. Ale hetuju infarmacyju abvierh jak jon sam, tak i pradstaŭniki Nexta Live.
«Pa-pieršaje, sam fakt taho, što naš supracoŭnik moža znachodzicca ŭ Rasii ci ŭ Biełarusi — heta absurd. U metach biaśpieki ni adzin ź dziejnych pradstaŭnikoŭ redakcyi nie naviedvaje nazvanyja krainy. Pa-druhoje, u redakcyi Nexta niama hramadzian RF», — prakamientavali tam.