HUR Ukrainy: Viasna i pačatak leta buduć vyrašalnymi ŭ vajnie
Namieśnik načalnika vajskovaj raźviedki hienierał-major Vadzim Skibicki ŭ intervju DELFI zajaviŭ, što kali novy nastup akupantaŭ pravalicca, to heta budzie kancom Rasii i Pucina.
«Viasna i pačatak leta buduć vyrašalnymi ŭ vajnie. Kali bujny nastup Rasii, zapłanavany na hety čas, pravalicca, heta stanie kracham Rasii i Pucina», — zajaviŭ jon.
Adkazvajučy na pytańnie pra toje, ci moža vajna skončycca ŭ 2023 hodzie, namieśnik načalnika HUR adkazaŭ, što jany pakul nie mohuć zazirać daloka, bo pavinny prajści hety pieršy etap — viasnu i pačatak leta.
Pa słovach Skibickaha, źmiena rasijskaha vajskovaha kiraŭnictva, zakančeńnie pieršaha etapu mabilizacyi i pierahrupoŭki rasijskaj armii śviedčać pra toje, što asnoŭnaja aktyŭnaść rasijan budzie razhortvacca na Danieckim i Łuhanskim kirunkach.
U raźviedcy čakajuć, što pryblizna ŭ lutym-sakaviku buduć bai za hetyja dźvie vobłaści, a rasijanie pastarajucca ŭziać pad svoj kantrol Kupiansk, Svatava i Kramiannuju.