Ukraina — sajuźnikam: Vyznačyciesia, ci hatovyja vykonvać abiacańni vajskovaj dapamohi
Daradca ministra abarony Ukrainy Juryj Sak skazaŭ Bi-bi-si, što sajuźnikam para pastavić pad sumnieŭ realistyčnaść ułasnych abiacańniaŭ vajskovaj dapamohi, kali jany tak i nie pryjduć da zhody ŭ pytańni pastavak sučasnych tankaŭ Ukrainie.
Zachodniaja vajskovaja dapamoha pavinna na dva kroki apiaredžvać dziejańni voraha, skazaŭ jon.
Hiermanija śćviardžaje, što nie błakuje pastavak niamieckich tankaŭ inšymi krainami. Polšča vykazvała hatoŭnaść adpravić Leopard-2 va Ukrainu, i Finlandyja dałučyłasia da jaje.
Ministr zamiežnych spraŭ Pieka Chaavista skazaŭ Bi-bi-si, što ŭ Finlandyi jość para sotniaŭ «leapardaŭ», i jana hatovaja stać častkaj taho, što jon nazvaŭ «ekasistemaj» pastavak tankaŭ Ukrainie.
«U nas zaŭsiody była takaja meta — Ukraina pavinna atrymać u tym liku i tanki, — skazaŭ jon. — U toj ža čas my viedajem, što stvareńnie ekasistemy dla takich madelaŭ tankaŭ, jak «leapardy», moža zaniać miesiacy i navat hod, pakul usio harmanizujecca, asabovy skład projdzie navučańnie i hetak dalej».
«Takim čynam, siońnia vielmi važna pieradavać Ukrainie inšuju zbroju, jakaja moža być vykarystana nieadkładna», — skazaŭ ministr.
