Žurnalista Dzianisa Ivašyna etapavali ŭ mahiloŭskuju kałoniju
Pra heta daznałasia maci palitviaźnia padčas telefanavańnia da načalnika hrodzienskaj turmy. Joj paviedamili, što jaje syna jašče ŭčora nakiravali ŭ papraŭčuju kałoniju № 15.
Pry hetym niadaŭna Ivašyna źmiaščali ŭ karcar, a praz dva dni jon apynuŭsia ŭ karancinie z vysokaj tempieraturaj, suchim kašlem i prablemami z dychańniem. Navat 16 studzienia Dzianis usio jašče chvareŭ i adčuvaŭ słabaść, paviedamlajuć pravaabaroncy.
15 žniŭnia ŭ Hrodzienskim abłasnym sudzie ŭ zakrytym režymie raspačaŭsia razhlad spravy žurnalista. Praź miesiac sud pryznaŭ Ivašyna vinavatym pavodle art. 365 KK (umiašańnie ŭ dziejnaść supracoŭnika ŭnutranych spraŭ) i č. 1 art. 356 KK (zdrada dziaržavie) i asudziŭ jaho da 13 hadoŭ i 1 miesiaca kałonii va ŭmovach uzmocnienaha režymu. Viarchoŭny Sud 20 śniežnia pakinuŭ prysud bieź źmienaŭ, a skarhu palitviaźnia biez zadavalnieńnia.
Padtrymajcie palitviaźnia: PK № 15. 213105, h. Mahiloŭ, p/a Viejna, Słaŭharadskaja šaša, 183, Dzianisu Jaŭhienaviču Ivašynu