U Varšavie štotydzień ładziacca zaniatki pa biełaruskich tradycyjnych tancach
Zaniatki pa biełaruskich tradycyjnych tancach ładziacca štosieradu ŭ Varšavie. Na zaniatki prychodzić šmat chłopcaŭ, tamu arhanizatary asabliva nastojliva zaprašajuć dziaŭčat.
«Dałučycca da nas moža luby achvočy, niezaležna ad taho, jość u vas dośvied tancaŭ albo nie. Adzinaje, što patrebna — zručny abutak», — kažuć arhanizatary zaniatkaŭ, pradstaŭniki Škoły biełaruskaj tradycyjnaj kultury Hania i Natałka.
«My ahułam razvučvajem biełaruskija tradycyjnyja tancy. Vučym ich z samaha pačatku. To-bok heta nie musiać prychodzić daśviedčanyja ludzi, supiertancory. Prychodzić čałaviek, jaki choča navučycca biełaruskim tradycyjnym tancam, pabyć u supołcy biełarusaŭ, parazmaŭlać pa-biełarusku i prosta dobra pravieści viečar», — tłumačać arhanizatarki.
I ŭdakładniajuć: «Jość u nas tancy, dzie treba mianiacca partnioram. I heta fajna: idzieš pa kole, z adnym pryvitaŭsia, spytaŭsia, što čuvać. Potym z druhim, trecim… A druhoje koła pajšło, i praciahvaješ toj skaz daskazvać».
Arhanizatarki padkreślivajuć, što apošnim časam na zaniatki prychodzić šmat chłopcaŭ.
«Tamu dziaŭčat ciapier my zaprašajem asabliva nastojliva. Čakajem vas! Budzie cikava!» — abiacajuć Natałka i Hania.
Zaniatki pa biełaruskich narodnych tancach ładziacca štosieradu z 18:00 da 20:00 u Muziei volnaj Biełarusi (Foksal 11).
Čytajcie taksama:
U Varšavie źbirajuć podpisy za biełaruskuju škołu
