Ministr zamiežnych spraŭ Aŭstryi zajaviŭ, što Rasija pavinna być «u architektury jeŭrapiejskaj biaśpieki»
Aficyjnaja Viena zaścierahaje ad praźmierna strohich vysnoŭ adnosna Rasii i adkryta krytykuje ABSIE za ihnaravańnie Łaŭrova.
Fota: AP
Ministerstva zamiežnych spraŭ Aŭstryi zajaviła, što zachodnija krainy pavinny «zachoŭvać pačućcio miery» ŭ adnosinach z Rasijaj, bo heta «častka jeŭrapiejskaj kultury i historyi». Pra heta skazaŭ ministr zamiežnych spraŭ Aŭstryi Alaksandr Šalenbierh, piša radyjo «Svaboda».
«My nie pavinny pierahinać pałku, naprykład, uvodziačy zabaronu na vydaču viz 144 miljonam rasijan», — skazaŭ jon.
Ministr zajaviŭ, što Aŭstryja padtrymaje Ukrainu ŭ jaje namahańniach pa abaronie suvierenitetu i terytaryjalnaj cełasnaści.
«Ale ŭ toj ža čas my pavinny dumać pra nastupny dzień, tydzień i miesiacy paśla ŭsiaho, — skazaŭ Šalenberh, — bo ŭ architekturu jeŭrapiejskaj biaśpieki tak ci inakš u budučyni pavinna budzie ŭvajści Rasija jak pastajanny člen Rady Biaśpieki AAN i jak jadziernaja dziaržava».
Šalenbierh zapatrabavaŭ, što Arhanizacyju pa biaśpiecy i supracoŭnictvie (ABSIE) treba zachavać, i ŭ čarhovy raz raskrytykavaŭ toje, što na apošniuju sustreču pradstaŭnikoŭ ABSIE ŭ Polščy nie zaprasili ministra zamiežnych spraŭ Rasii Siarhieja Łaŭrova.
Taksama aŭstryjski ministr vystupiŭ suprać vyklučeńnia Rasii z ABSIE.
«ABSIE — adna ź niamnohich pakinutych placovak, dzie rasijskija dypłamaty vymušanyja słuchać našy arhumienty i našu strohuju krytyku rasijskaj zachopnickaj vajny», — skazaŭ kiraŭnik MZS Aŭstryi. Pa słovach Šalenbierha, «zachavać pačućcio miery» — adna z najvažniejšych zadač na 2023 hod.
Aŭstryja ŭžo nie pieršy raz vystupaje za bolš miakkuju acenku Rasii na mižnarodnaj arenie. Raniej Šalenbierh byŭ kancleram Aŭstryi i zajaŭlaŭ pra nastupstvy dla vinavatych u parušeńniach pravoŭ čałavieka ŭ Biełarusi. Jahony pierajemnik na pasadzie Karł Niehamier u krasaviku 2022 hoda paśla sustrečy ź Zialenskim jeździŭ u Maskvu da Pucina. Aŭstryja — niejtralnaja kraina, jakaja nie ŭvachodzić u NATO i nie pastaŭlaje zbroju Ukrainie.