The Independent: Zialenski z pačatku rasijskaha ŭvarvańnia pieražyŭ bolš za 12 zamachaŭ
Dyrektar CRU Bił Biorns padčas vizitu va Ukrainu papiaredžvaŭ prezidenta Uładzimira Zialenskaha adnosna pahrozy zabojstva na tajnaj sustrečy pierad uvarvańniem Rasii. Infarmacyju pra heta apisvaje ŭ svajoj knizie «Bitva jaho žyćcia: ŭnutry Biełaha doma Džo Bajdena» Krys Uipł — aŭtar knih pra administracyi roznych prezidentaŭ ZŠA, piša The Independent.
Fota: AP
Pavodle Uipła, Biorns pryjazdžaŭ u Kijeŭ pierad pačatkam vajny, kab paviedamić Zialenskamu pra rasijski płan jahonaha zabojstva i «pravieryć realnaść», u jakoj žyŭ Zialenski, bo staŭleńnie Zialenskaha da papiaredžańniaŭ ZŠA było davoli niezvyčajnym.
Pa jaho słovach, Bajden daručyŭ dyrektaru CRU — byłomu ambasadaru ZŠA ŭ Rasii — dać Zialenskamu «dakładnyja detali ruskich zmoŭ»:
«Heta nieadkładna pryciahnuła ŭvahu Zialenskaha; jon byŭ uzrušany, aćvierazieły hetaj navinoj».
Sa spasyłkaj na «ŭkrainskich aficyjnych asob» adznačajecca, što Zialenski pieražyŭ bolš za 12 asobnych zamachaŭ na jaho žyćcio z boku rasijskich sił z pačatku vajny ŭ lutym 2022 hoda. Pa słovach Uipła, jak minimum dźvie z hetych historyj pośpiechu adbylisia dziakujučy raźviedźviestkam ZŠA, jakimi padzialiŭsia Biorns padčas svajho vizitu ŭ Kijeŭ:
«Raźviedźviestki byli nastolki detalovymi, što dapamahli b siłam biaśpieki Zialenskaha praduchilić dva asobnyja rasijskija zamachi na jaho žyćcio».
U sakaviku 2022 hoda brytanskaje vydańnie The Times paviedamlała, što z pačatku rasijska-ŭkrainskaj vajny prezident Uładzimir Zialenski pieražyŭ prynamsi try sproby zamachu. 9 sakavika daradca kiraŭnika Ofisa prezidenta Ukrainy Michaił Padalak raspavioŭ, što takich zamachaŭ było bolš za 10.
