U babrujskich katalikoŭ mohuć zabrać kaścioł
Paśla niadzielnaj słužby 15 studzienia ksiondz-probašč paviedamiŭ, što z 1 lutaha parafija budzie arandavać pamiaškańnie babrujskaha kaścioła Biezzahannaha Začaćcia Najśviaciejšaj Dzievy Maryi ŭ horada dla praviadzieńnia nabaženstvaŭ, paviedamlaje «Biełsat».
Termin arendy — paŭhoda, košt jaje pakul što nieviadomy. Za hety čas ułady buduć vyrašać, što rabić z kaściołam dalej i ci pieradavać jaho parafii.
Ciapier ža parafija abaviazanaja vyzvalić usie pamiaškańni, jakija nie vykarystoŭvajuć dla słužbaŭ. Viałasia navat havorka pra toje, što treba razabrać arhan.
Kaścioł Biezzahannaha Začaćcia Najśviaciejšaj Dzievy Maryi ŭ Babrujsku byŭ pabudavany ŭ 1912 hodzie. U 1968-m kamunistyčnyja ŭłady zabudavali viežu piacipaviarchovikam, z taho času kaścioł maje svoj ciapierašni vyhlad. U 2017 hodzie parafijanie źbirali podpisy za poŭnaje viartańnie budynka parafii i jaho adbudovu, ale vyniku heta nie dało.
