U Łunincy pravodziać chutkuju madernizacyju kazarmaŭ dla rasijskich vajskoŭcaŭ
Kazarmy na vajskovym aeradromie ŭ Łunincy pavinny być hatovyja da vajskovych vučeńniaŭ, pačatak jakich zapłanavany na 16 studzienia. Hienpadradčykam budaŭnictva źjaŭlajecca Łuninieckaje PMK-19. Ale z-za taho, što abjekt u stroj treba ŭvieści terminova, u kapitalnym budaŭnictvie ŭdzielničajuć roznyja arhanizacyi, paviedamlaje sajt «Miedyja-Paleśsie».
Na archiŭnym fota «Miedyja-Paleśsia» možna bačyć, jak vyhladali kazarmy na vajskovym aeradromie ŭ Łunincy da pačatku vajennych dziejańniaŭ va Ukrainie
Va ŭsich, chto pracuje na budoŭli, pavodle infarmacyi vydańnia, zabirajuć telefony pry ŭvachodzie na abjekt, tamu źniać samu budoŭlu niama mahčymaściaŭ.
Uvachod u kazarmu da budoŭli
Jak raskazaŭ «Miedyja-Paleśsiu» adzin z budaŭnikoŭ, praca viadziecca pad nahladam uzbrojenych ludziej.
Materyjały i abstalavańnie dla kazarmy vykarystoŭvajucca samyja sučasnyja. Taksama całkam pierabudavanaja daroha pry ŭjeździe na vajskovuju bazu. Dla pašyreńnia darohi vysiakalisia viekavyja lasy.
Vajskovy aeradrom u Łunincy zadziejničali padčas sumiesnych z Rasijaj vučeńniaŭ. Na aeradrom prybyli rasijskija SU-35, paźniej — šturmaviki SU-25sm. Na bajavoje dziažurstva zastupili ZRK S-400 i «Pancyr-S».
Pierad uvarvańniem rasijskich vojskaŭ va Ukrainu ŭ Łuniniecki rajon pryjazdžaŭ Łukašenka. Nieadnarazova ŭ Łunincy była zaŭvažanaja rasijskaja vajskovaja technika. Ź miascovaha vajskovaha aeradroma rehularna ŭźlatali samaloty, nad hałovami žycharoŭ Łuninieckaha rajona pralatali rakiety, a na čyhunačnaj stancyi vyhružali bojeprypasy.
atličny moža być u pierśpiakcivie sanatoryj
dla vieciaranau vajny