Nieruchomaść, da jakoj varta pryhledziecca. Chutka tam źjavicca mietro
Na paŭdniovaj ŭskrainie stalicy budujucca adrazu try stancyi mietro druhoj čarhi Zielenałužskaj linii — «Aeradromnaja», «Niemaršanski sad» i «Słucki haściniec». Jany pavinny źmianić tam žyćcio. «Kufar» raspavioŭ, jakija kvatery pradajucca ci zdajucca pobač z važnaj budoŭlaj.
«Aeradromnaja»
Terminy zdačy ŭ ekspłuatacyju stancyj uvieś čas pieranosiacca. «Aeradromnaja» maje samuju vysokuju stupień hatoŭnaści ŭ paraŭnańni z astatnimi. Azdobnyja raboty nabližajucca da finalnaj stadyi, śpiecyjalisty pačali mantaž abstalavańnia, pišuć «Minsk-Naviny». Absłuhoŭvać «Aeradromnaja» budzie hustanasieleny rajon stalicy — «Minsk-Śviet».
Rajon skryžavańnia vulic Aeradromnaja i Čkałava, a taksama kruhavoha prajezda vakoł budynka staroha aeravakzała, da jakoha padychodziać vulicy Nikoła Tesły, Ihara Łučanka i Leanida Levina. Hety rajon — rekardsmien pa kolkaści kvater u prodažy — ciapier na «Kufar Nieruchomaść» ich možna kupić bolš za 4300. Tolki ŭ damach, jakija raźmieščany ŭščylnuju da budučaj stancyi «Aeradromnaja», dastupnyja dla kupli bolš za 800 kvater.
Bližej za ŭsio da ŭvachoda ŭ budučuju stancyju — dom pad nazvaj «Stambuł». Tut pradajecca vializnaja kolkaść kvater, ale nie tak šmat varyjantaŭ z azdableńniem. Voś, naprykład, «jeŭradvuška» koštam 126 999 USD. Jana pazicyjanujecca jak «VIP-apartamienty, ekskluziŭny prajekt ad viadomaha dyzajniera z Maskvy».
Kvatera całkam hatova da pražyvańnia. Azdableńnie vykanana z vysakajakasnych jeŭrapiejskich materyjałaŭ. Ź Jeŭropy pryviezieny bytavaja technika, santechnika i mebla.
Ahulnaja płošča kvatery 65 m². Jana raźmieščana na 17-m paviersie 25-paviarchovaha doma.
U susiednim domie pad nazvaj «Fłarencyja» 2-pakajovaja kvatera jašče mienšaha mietražu (44 m ²) pradajecca za 82 900 dalaraŭ. Tut taksama zrobleny ramont vysokaha ŭzroŭniu. Dapaŭniajuć karcinu 3-mietrovyja stoli.
Darečy, spadabajecca hetaja kvatera amataram uražalnych vidaŭ z akna, bo znachodzicca jana na 25-m paviersie.
Mahčyma, jašče bolš važnaja najaŭnaść mietro dla tych, chto kvateru aranduje. Bo, jak praviła, na ŭłasny aŭtamabil takija ludzi jašče nie nazapasili.
Kala budučaj «Aeradromnaj» jość niekalki vielmi cikavych prapanoŭ pa doŭhaterminovaj arendzie. Usio ŭ tym ža «Stambule» možna źniać 3-pakajovuju kvateru za 800 dalaraŭ. Abiacajuć jakasny ramont pa dyzajn-prajekcie, ubudavanuju bytavuju techniku, u tym liku pasudamyjku, novuju korpusnuju meblu i navat asobnuju harderobnuju.
Kvatera zdajecca ŭpieršyniu.
Jość dobryja varyjanty i ŭ staroj zabudovie na druhim baku vulicy Aeradromnaja. 450 dalaraŭ prosiać za «dvušku» z meblaj i ramontam.
U rajonie «Minsk-Śviet» budavałasia davoli šmat inviestycyjnaha žylla, jakoje zaraz vyjšła na rynak pasutačnaj arendy. Voś prykład jakasnaj 2-pakajovaj kvatery, za arendu jakoj za sutki daviadziecca vykłaści 65 rubloŭ.
Ad 85 rubloŭ daviadziecca addać za kvateru, jakuju možna zabraniravać na sutki anłajn. Heta stylnaja kvatera-studyja, u jakoj jość usio nieabchodnaje dla kamfortnaha pražyvańnia: ad Wi-Fi da ručnikoŭ, posudu i stałovaha načyńnia.
«Niemaršanski sad»
Stancyja «Niemaršanski sad» raźmieścicca kala Balnicy chutkaj miedycynskaj dapamohi, na skryžavańni vulic Kižavatava i Asipovickaj. Akramia BCHMD, tut jašče dźvie bujnyja i važnyja dla ŭsiaho Minska lačebnyja ŭstanovy — RNPC traŭmatałohii i artapiedyi i Dziciačaja balnica №3.
Na hetaj stancyi pabudavany pakul tolki asnoŭnyja kanstrukcyi. Ciapier kipić praca nad druhim uvachodam i vientylacyjnym kanałam. Pačynajuć azdableńnie.
Šmatpaviarchovych žyłych damoŭ tut niašmat, tamu i prapanoŭ kupli kvater na «Kufar Nieruchomaść» niašmat — mienš za 20 .
Voś para cikavych prapanoŭ pablizu budučaj stancyi.
54 000 dalaraŭ prosiać za kvateru-studyju ahulnaj płoščaj 41,4 m². Jana znachodzicca ŭ cahlanym domie 1997 hoda pabudovy. Usia pravodka i santechničnyja truby zamienieny. Ścieny vyraŭnavany i afarbavany. Taksama pryciahvajuć uvahu da abjavy vysokija stoli i vialikija vokny.
Niepadalok pradajecca śvietłaja 3-pakajovaja kvatera ahulnaj płoščaj 78 m² za 70 500 dalaraŭ. U 2021 hodzie dom pieražyŭ kapitalny ramont. Častka voknaŭ vychodziać na park «Niemaršanski sad», častka — u dvor.
Nie tak šmat u rajonie pieradapošniaj stancyi Zielenałužskaj linii mietro prapanoŭ pa praciahłaj arendzie, ale jany jość.
450 USD prosiać za 2-pakajovuju kvateru z ramontam. Pryciahvajuć uvahu da prapanovy panaramnyja «francuzskija» vokny ŭ kuchni-stałovaj.
Anałahičnaja cana na 3-pakajovuju kvateru. Tut zrobleny ramont i jość nieabchodnaja mebla, a taksama bytavaja technika, u tym liku pasudamyjka i bojler, jaki dapamoža ŭ čas płanavaha adklučeńnia haračaj vady.
«Słucki haściniec»
Apošniaja stancyja Zielenałužskaj linii «Słucki haściniec» budujecca na skryžavańni vulic Kižavatava i Siarova.
Pakul budaŭniki pracujuć nad płatformaj i viestybiulem, krychu paźniej pačnuć pracavać z uvachodami.
Da budučaj stancyi prymykaje zusim nievialiki masiŭ žyłoj zabudovy, jakaja jość tolki z adnaho z čatyroch bakoŭ skryžavańnia. Tamu i prapanova na «Kufar Nieruchomaść» ścipłaja — mienš za 20 kvater, jakija možna kupić.
Zatoje i ceny na žyllo tut umieranyja.
69 500 dalaraŭ prosiać za 3-pakajovuju kvateru ahulnaj płoščaj 65 m². Jana znachodzicca na apošnim, 9-m paviersie panelnaha doma 1977 hoda pabudovy.
Na tysiaču tańniej 3-pakajovaja kvatera ahulnaj płoščaj 60,8 m². Jana na 6-m paviersie 8-paviarchovaha doma, raźmieščanaha ŭ dvarach.
Abmiežavanaja tut i prapanova pa doŭhaterminovaj arendzie. A žylla, jakoje možna arandavać na sutki, niama zusim.
