Łatvija skasavała damovu ź Biełaruśsiu ab uzajemnych pajezdkach
Pahadnieńnie ab uzajemnych pajezdkach hramadzian, jak vyrašyli łatvijskija ŭłady, pierastanie dziejničać z 21 vieraśnia 2023 hoda. Adpaviedna na heta zreahavali i ŭ Biełarusi.
«Źviartajem uvahu, što z nazvanaj daty hramadzianie Łatvii, asoby biez hramadzianstva, jakija pastajanna žyvuć na terytoryi Łatvii, i asoby, jakija majuć status niehramadzianina Łatvii, mohuć znachodzicca ŭ Biełarusi biez rehistracyi 10 sutak», — havorycca ŭ paviedamleńni biełaruskaha MUS.
Raniej jany mahli znachodzicca na terytoryi Biełarusi biez rehistracyi 30 sutak. Termin znachodžańnia asob biez hramadzianstva, jakija pastajanna pražyvajuć na terytoryi Łatvii, asob, jakija majuć status niehramadzianina Łatvii, nie moža pieravyšać 90 sutak u kalandarnym hodzie.
«Dla vyjezdu ź Biełarusi asob biez hramadzianstva, jakija pastajanna pražyvajuć na terytoryi Łatvii, i asob, jakija majuć status niehramadzianina Łatvii, jakija majuć dakumient na viartańnie, vydadzieny kampietentnym orhanam, patrabujecca afarmleńnie vizy dla vyjezdu», — dadali ŭ MUS.
Pahadnieńnie pamiž uradami Łatvii i Biełarusi było zaklučana dla palahčeńnia pajezdak žycharoŭ abiedźviuch krain. Jano pačało dziejničać 1 žniŭnia 2008 hoda. Metaj pahadnieńnia było raźvićcio družalubnych dobrasusiedskich adnosin pamiž krainami, sadziejničańnie raźvićciu kantaktaŭ pamiž ludźmi, palahčeńnie mahčymaści atrymańnia ŭjaznych viz.
