U Navahradku mužčyna padpaliŭ dom byłoj kachanaj, jakaja nie dačakałasia jaho z turmy
U Navahradku 30-hadovy mužčyna z pomsty padpaliŭ rečy ŭ domie svajoj byłoj kachanaj. Pra heta paviedamili va UUS Hrodzienskaha abłvykankama.
Fota: UUS Hrodzienskaha abłvykankama
30-hadovy žychar Navahradskaha rajona nie tak daŭno vyzvaliŭsia z turmy. Jon vyrašyŭ naviedać svaju kolišniuju 42-hadovuju kachanuju, jakaja žyvie ŭ Navahradku. Ale, pryjšoŭšy, daviedaŭsia, što taja viernaść jamu nie zachavała, i vyrašyŭ adpomścić.
8 studzienia mužčyna prabraŭsia ŭ dom svajoj byłoj kachanki. Zaŭvažyŭšy palito, što lažała ŭ šafie, jon vyrašyŭ jaho padpalić. U vyniku vyhareŭ uvieś pakoj.
Fota: UUS Hrodzienskaha abłvykankama
Infarmacyja pra zdareńnie pryjšła ŭ Navahradski RAUS. U dačynieńni da mužčyny zaviedziena kryminalnaja sprava za naŭmysnaje źniščeńnie albo paškodžańnie majomaści, ździejśnienaje niebiaśpiečnym sposabam.
