Biełarusam stali admaŭlać va ŭjeździe ŭ Litvu paśla ankiety ab vajnie va Ukrainie
Biełarusam stali admaŭlać va ŭjeździe ŭ Litvu paśla ankiety ab vajnie va Ukrainie, takija vypadki jość. Pra heta zajaviŭ LRT namieśnik ministra ŭnutranych spraŭ Arnoldas Abramavičus.
Arnoldas Abramavičus. Fota: LRT
«Vialikaja častka mier užo pryniataja — pavyšana acenka pry ŭjeździe ŭ Litvu, taksama źmienšana kolkaść dazvołaŭ na časovaje pražyvańnie. Pry vydačy hetych dakumientaŭ u abaviazkovym paradku pradastaŭlajucca dadatkovyja ankiety z acenkaj mahčymaj pahrozy nacyjanalnaj biaśpiecy. Usie miery efiektyŭnyja», — zapeŭniŭ A. Abramavičus.
Pavodle jaho słoŭ, jość vypadki, kali hramadzianina Biełarusi paśla zapaŭnieńnia ankiety vyrašajuć nie puskać u Litvu. Hramadzianina Biełarusi pytajucca, ź jakimi metami jon choča pryjechać u Litvu, jakoje jahonaje staŭleńnie da dziejańniaŭ Rasii, da anieksii Kryma.
«Z hetaha možna zrazumieć: vystupaje čałaviek suprać anieksii, a taksama prama ci ŭskosna suprać udziełu Biełarusi ŭ hetym ci ž jon z dapamohaj ankiety sprabuje niešta schavać i dać, mahčyma, prycharošanuju infarmacyju», — skazaŭ surazmoŭca.
Niachaj siadziać sabie va Uźbiekistanach i manholijach