U Voranaŭskim rajonie mužčyna spjana skraŭ strelbu ŭ palaŭničaha i zakapaŭ jaje ŭ aharodzie
U haradskim pasiołku Raduń Voranaŭskaha rajona mužčyna skraŭ u palaŭničaha strelbu, paviedamlaje UUS Hrodzienskaha abłvykankama. Ale dziejańni jahonyja byli vielmi dziŭnyja.
Jak paviedamili ŭ milicyi, 31-hadovy haspadar zbroi paśla palavańnia pakinuŭ strelbu kala siejfa, jaki znachodzicca ŭ haspadarčaj pabudovie kala pryvatnaha doma, dzie pražyvaje. Pavodle pravił, strelba musiła zachoŭvacca tam. Jon začyniŭ mietaličnyja dźviery, ale, kali vychodziŭ, zabyŭsia vyniać kluč.
Nočču mima prachodziŭ niećviarozy mužčyna, jaki zajšoŭ da palaŭničaha ŭ dvor. Jon bieź pieraškod prakraŭsia ŭ haspadarčuju pabudovu, adkul vynies strelbu i patrony da jaje. A voś paśla staŭ pavodzić siabie vielmi dziŭna: prosta zakapaŭ skradzienaje na aharodzie ŭ susieda.
Navošta padazravanamu spatrebiłasia vintoŭka, patłumačyć jon paśla nie zmoh, spasłaŭšysia na svoj fizičny stan u momant kradziažu.
Śledčymi ŭ dačynieńni da 38-hadovaha žychara haradskoha pasiołka Raduń raspačataja kryminalnaja sprava. Akramia taho, pravodzicca pravierka i ŭ dačynieńni da ŭłaśnika zbroi, jaki nie zabiaśpiečyŭ naležnyja ŭmovy zachoŭvańnia strelby.
svajo rahu nie ahdam urahu