U Minsku pravasłaŭnaha śviatara zatrymali za malitvu ab zdaroŭi abaroncaŭ Ukrainy
Ranicaj 5 studzienia stała viadoma pra zatrymańnie Dyjanisija Karaścialova, śviatara minskaha prychoda ikony Božaj Maci «Usich tužlivych Radaść».
Dyjanisij Karaścialoŭ (sprava) sa svaim baćkam Iharam Karaścialovym (źleva). Fota: sobor.by
Siłaviki staviać Dyjanisiju ŭ vinu, što padčas malebnu ŭ chramie jon maliŭsia za voinaŭ i abaroncaŭ Ukrainy.
Viadoma, što ŭ vieraśni 2021 hoda doma ŭ śviatara prachodziŭ vobšuk.
Ciapierašniamu zatrymańniu Karaścialova papiaredničała publikacyja ŭ kanale praŭładnaj prapahandystki Volhi Bondaravaj. Pavodle toj publikacyi, niejkaja prychadžanka «aburyłasia» tym, što padčas malebnu Dyjanisij paminaŭ voinaŭ i abaroncaŭ Ukrainy. Siłaviki časta vykarystoŭvajuć padobnyja kanały dla stvareńnia bačnaści «hramadskaj dumki». Nasamreč rašeńni ab zatrymańniach prymajucca zahadzia.
Jak śćviardžaje kanał «Chryścijanskaja vizija», Dyjanisij prosta pračytaŭ padčas navahodniaha malebnu zapisku za zdaroŭje «voinaŭ i abaroncaŭ Ukrainy». Kanał spasyłajecca na list mitrapalita Vienijamina, datavany 4 studzienia i adrasavany błahačynnym Minskaj jeparchii. Pavodle hetaha lista, Vienijamin adchilaje śviatara ad śviatadziejstvaŭ (faktyčna zabaraniaje słužeńnie) da pryniasieńnia pakajańnia.
Siamja Karaścialovych ź mitrapalitam Fiłaretam. Fota: sobor.by
Dla samoha prychoda aryšt Karaścialova — balučaja padzieja, i tam spadziajucca, što nadoŭha baciuška pad vartaj nie zastaniecca.
«Malicca možna za kaho zaŭhodna, ale nijakaha raspalvańnia varožaści tam być nie mahło. Heta fantazii», — kaža adzin z daŭnich prychadžan chrama, jaki dobra viedaje Dyjanisija.
Prychod ikony Božaj Maci «Usich tužlivych Radaść». Fota: commons.wikimedia.org
Dyjanisij Karaścialoŭ — syn śviatara Ihara Karaścialova, nastajaciela prychoda ikony Božaj Maci «Usich tužlivych Radaść». Sam ajciec Ihar prablem z uładami nikoli nie mieŭ, chutčej naadvarot — jon dvojčy łaŭreat premii Alaksandra Łukašenki «Za duchoŭnaje adradžeńnie» (u 1997 i 2015 hadach). Karaścialoŭ-starejšy viadomy tym, što pry jaho prychodzie arhanizavany kompleks sacyjalnych majsterniaŭ, dzie pracujuć ludzi ź ciažkimi psichafizičnymi zachvorvańniami, i šmat dla kaho majsterni — adna ź niešmatlikich ci ŭvohule adzinaja mahčymaść sacyjalizacyi. Prychod i saborny chram pry im źjaŭlajucca adnymi z najvialikšych u horadzie.
«Naša Niva» — bastyjon biełaruščyny
PADTRYMAĆKamu patrebien taki malebien, albo Čamu maŭčyć mitrapalit Vienijamin?
Ci ŭsiakaja ŭłada ad Boha? Tłumačyć śviatar
Prychod i saborny chram pry im źjaŭlajucca adnymi z najvialikšych u horadzie.
jakija ž jany ŭsie błahalepnyja