FT: Ukrainskija drony, jakija atakavali aeradromy ŭ Razanskaj i Sarataŭskaj abłaściach, byli stvoranyja sumiesna z pryvatnym biznesam
Pra heta paviedamiŭ The Financial Times daradca ŭrada Ukrainy pa pytańniach abarony, jaki pažadaŭ zachavać ananimnaść.
Surazmoŭca vydańnia padkreśliŭ, što pryvatnaja kampanija, jakuju jon nie staŭ nazyvać, sumiesna ź dziaržaŭnymi strukturami moža «časta» vyrablać novyja takija bieśpiłotniki.
Jak adznačaje The Financial Times, raniej vysoŭvalisia viersii, što drony, jakija atakavali rasijskija vajennyja aeradromy, — abo raspracoŭka «Ukrabaronprama», jaki anansavaŭ bieśpiłotnik z dalokaściu palotu da 1000 kiłamietraŭ, abo, što ekśpierty ličyli bolš vierahodnym, hłyboka madernizavanyja Tu-141, raspracavanyja ŭ SSSR.
Kali havorka idzie ab bieśpiłotnikach, raspracavanych i sabranych va Ukrainie, piša vydańnie, to heta pakazvaje, što kraina zdolnaja stvarać takija technična składanyja aparaty navat u vajenny čas.