U Biełarusi čynoŭnikaŭ i vajskoŭcaŭ buduć rasstrelvać za zdradu dziaržavie
Pałata pradstaŭnikoŭ u pieršym čytańni pryniała zakonaprajekt «Ab źmianieńni kodeksaŭ pa pytańniach kryminalnaj adkaznaści».
Im praduhledžvajecca, što śmiarotnaje pakarańnie moža być prymieniena da słužbovaj asoby ci vajskoŭca, jakija zdradzili dziaržavie.
«U metach akazańnia strymlivajučaha ŭździejańnia na destruktyŭnyja elemienty, a taksama demanstracyi rašučaj baraćby sa zdradaj dziaržavie prajektam Zakona prapanujecca ŭniasieńnie źmianieńniaŭ u sankcyju častki 2 artykuła 356 KK, jakija praduhledžvajuć mahčymaść prymianieńnia vyklučnaj miery pakarańnia ŭ vyhladzie śmiarotnaha pakarańnia za zdradu dziaržavie, učynienaj słužbovaj asobaj, jakaja zajmaje dziaržaŭnuju pasadu, abo asobaj, na jakuju raspaŭsiudžvajecca status vajskoŭca. U hetaj suviazi pryvodziacca ŭ adpaviednaść taksama artykuły 58 i 59 KK», — havorycca ŭ prajekcie.
Taksama prajektam zakona ŭnosicca źmianieńnie ŭ artykuł 360 KK — metaj ździajśnieńnia złačynstva zamiest naniasieńnia škody ekanamičnaj biaśpiecy i abaranazdolnaści stanovicca pryčynieńnie škody ekanamičnaj i (abo) vajennaj biaśpiecy. Taksama artykuł 360 KK dapaŭniajecca zaŭvahaj, jakaja dapuskaje vyzvaleńnie asoby ad kryminalnaj adkaznaści za padrychtoŭčyja dziejańni da dyviersii ŭ vypadku jaje praduchileńnia.
Aproč taho, u dyspazicyju artykuła 3691 KK unosicca dadatak «u metach ustanaŭleńnia adkaznaści za raspaŭsiud zaviedama łžyvych źviestak, jakija dyskredytujuć Uzbrojenyja siły, inšyja vojski i voinskija farmiravańni, vajenizavanyja arhanizacyi Respubliki Biełaruś».
«Uviadzieńnie takoj pravavoj normy budzie źjaŭlacca dziejsnaj previentyŭnaj mieraj raspaŭsiudu zaviedama łžyvaj, nie adpaviednaj rečaisnaści infarmacyi ab biełaruskaj armii i inšych siłavych strukturach», — havorycca ŭ prajekcie.