Lavon Volski napisaŭ kavier na viadomuju pieśniu Pita Sihiera «Where Have All The Flowers Gone»
U biełaruskamoŭnym varyjancie pieśnia zajmieła nazvu «Dzie kvietki?».
Amierykanski fołk-vykanaŭca i hramadski aktyvist Pit Sihier napisaŭ pieśniu jašče ŭ 1955 hodzie. Praź niekalki hod Džo Chikiersan dapisaŭ jašče kuplety. Pieśnia stała papularnaj padčas vajny u Vjetnamie.
«Dyk voś, siońnia ty pačuješ hety tvor pa-biełarusku. «Dzie kvietki?» — naša kavier-viersija kłasičnaha antyvajennaha tvoru», — napisaŭ Volski ŭ fejsbuku.
«Nam padajecca, što ŭ ciapierašni niespakojny čas źmiest hetaj antyvajennaj pieśni asabliva aktualny, — tłumačycca ŭ apisańni kampazicyi. — Zamiest taho, kab słuchać militarysckija zakliki, jakija pastajanna hučać u televizary i internecie, pasłuchajcie lepiej hetuju pieśniu, i jość nadzieja, što vy niešta zrazumiejecie».
