U Minsku buduć sudzić hrupu telefonnych machlaroŭ. Jany padmanuli 246 čałaviek
Prakuratura nakiravała ŭ sud kryminalnuju spravu ŭ dačynieńni da piaci ŭdzielnikaŭ arhanizavanaj złačynnaj hrupy, źviazanaj z telefonnymi machlarstvami. Fihurantam ad 18 da 41 hoda.
«Zhodna z materyjałami spravy, abvinavačanyja, ustupiŭšy ŭ raniej stvoranuju arhanizavannuju złačynnuju hrupu, vykonvali adviedzienyja im roli. Arhanizavanaja hrupa pad vyhladam tak zvanych call-centraŭ, a na praciahu 7 miesiacaŭ — pad vyhladam supracoŭnikaŭ banka albo pravaachoŭnych orhanaŭ — pierakonvali hramadzian dać im dostup da ich asabistych rachunkaŭ. Šerah paciarpiełych, žadajučy pravieści apłatnyja apieracyi praź internet-bankinh, samastojna pierajšli pa fišynhavych spasyłkach, stvoranych hrupaj», — havorycca ŭ paviedamleńni.
Usiaho ŭstanoŭlena 246 paciarpiełych, a ahulnaja škoda pieravyšaje 250 tysiač rubloŭ.
Taksama adzin ź fihurantaŭ abvinavačany ŭ rabavańni. U krasaviku 2021 hoda jon adkryta vykraŭ vopratku koštam 70 rubloŭ z kramy ŭ bujnym handlovym centry stalicy.
Usie abvinavačanyja znachodziacca pad vartaj.
