Biełstat: Siaredni biełarus tracić na ježu amal 40 pracentaŭ zarobku
Pa danych vybaračnaha abśledavańnia chatnich haspadarak pa ŭzroŭni žyćcia, u Biełarusi ŭ trecim kvartale 2022 hoda najaŭnyja resursy ŭ raźliku na chatniuju haspadarku skłali 1841,8 rubla ŭ miesiac, u tym liku ŭ haradach i pasiołkach haradskoha typu — 1923,5 rubla, u sielskich nasielenych punktach — 1579,6 rubla, paviedamlaje Biełstat.
Hrašovyja vydatki ŭ raźliku na chatniuju haspadarku skłali 1750 rubloŭ u miesiac, ź jakich 1293,9 rubla (73,9%) prypadaje na spažyvieckija vydatki.
U struktury spažyvieckich vydatkaŭ chatnich haspadarak dola raschodaŭ na charčavańnie skłała 38,7%, na kuplu niecharčovych tavaraŭ — 34,9%, na apłatu pasłuh — 24%.
Kali vieryć Biełstatu, to situacyja palapšajecca, bo pa vynikach druhoha kvartała biahučaha hoda vydatki na charčavańnie ŭ miesiac siaredniestatystyčnaj biełaruskaj siamji składali 41,2% ad spažyvieckich vydatkaŭ.
