«Niekalki razoŭ udaryŭ hałavoj ab mietaličnuju stojku». Na čyhunačnym vakzale ŭ Minsku žorstka źbili siamiejnuju paru
Zdareńnie adbyłosia jašče 17 vieraśnia, u dzień «narodnaha adzinstva», paviedamlaje SK.
Žančyna i mužčyna (53 i 57 hadoŭ) nabyvali kvitki ŭ adnoj z kas vakzała. Siamiejnaja para pamiž saboj razmaŭlała hučna, pry hetym jany žestykulavali, tak jak źjaŭlajucca invalidami pa słychu. 35-hadovy niećviarozy mužčyna, jaki znachodziŭsia pierad paraj, rascaniŭ heta jak prajavu ahresii ŭ jaho bok. Jon schapiŭ za hałavu mužčynu i niekalki razoŭ udaryŭ jaho ab pavierchniu mietaličnaj kanstrukcyi kasy. Žonka paciarpiełaha pasprabavała zastupicca, ale niećviarozy jašče niekalki razoŭ udaryŭ achviaru ŭ hałavu, paśla čaho syšoŭ z pryjacielkaj z vakzała.
Ad atrymanych traŭmaŭ 57-hadovy mužčyna straciŭ prytomnaść. Vidavočcy nieadkładna vyklikali chutkuju.
U jaho dyjahnastavali čerapna-mazhavuju traŭmu, liniejny pierałom łobnaj kostki, udary abiedźviuch łobnych dolaŭ hałaŭnoha mozhu i inšyja paškodžańni.
Nieŭzabavie milicyja zatrymała ahresara. Zhodna z materyjałami kryminalnaj spravy, aboje, mužčyna i jaho pryjacielka, stajać na ŭliku ŭ narkołaha ŭ suviazi sa złoŭžyvańniem śpirtnymi napojami, aficyjna nidzie nie pracujuć, raniej sudzimyja.
Dziejańni mužčyny kvalifikavanyja pa čč. 1, 2 art. 339 (złosnaje chulihanstva, ździejśnienaje hrupaj asob) i č. 3 art. 147 (naŭmysnaje pryčynieńnie ciažkaha cialesnaha paškodžańnia, niebiaśpiečnaha dla žyćcia, ździejśnienaje paŭtorna), a jaho saŭdzielnica abvinavačvajecca pa č.2 art. 339 (złosnaje chulihanstva, ździejśnienaje hrupaj asob) Kryminalnaha kodeksa Respubliki Biełaruś. Da ich z sankcyi prakurora prymieniena miera strymańnia ŭ vyhladzie zaklučeńnia pad vartu.
